News Summary
Generated by OK AI. Editorially reviewed.- मोरङको रतुवामाई नगरपालिका–५ गोबिन्दपुरमा गाँजा बोकेर भाग्दै गरेका कारोबारीलाई नियन्त्रणमा लिन प्रहरीले एक राउन्ड हवाई फायर र अर्को गोली चलाएको छ ।
- गोली लागेर भारत अररियाका ३९ वर्षीय प्रमोद चौधरी घाइते भएका छन् र भारत अररिया महगामा ग्राम पंचायतका ५० वर्षीय राजेन्द्रप्रसाद यादव पक्राउ परेका छन् ।
- प्रहरीले उनीहरूको साथबाट करिब १०० किलो गाँजा बरामद गरेको छ र दुवैमाथि अनुसन्धान भइरहेको छ ।
३० असाेज, विराटनगर । मोरङमा गाँजा कारोबारीलाई पक्राउ गर्न प्रहरीले दुई राउन्ड गोली चलाएको छ ।
बिहीबार राति माेरङकाे रतुवामाई नगरपालिका– ५ गोबिन्दपुरमा गाँजा कारोबारी पक्राउ गर्न गोली चलाएको हो ।
प्रहरीले चलाएको गोली लागेर एक जना घाइते भएका छन् । करिब १०० किलाे गाँजासहित दुई भारतीय नागरिक पक्राउ परेका छन् ।
मोरङ प्रहरी प्रवक्ता मकेन्द्रकुमार मिश्रका अनुसार असोज २९ गते दिउँसो करिब १ बजे रतुवामाई नगरपालिका– ५ गोबिन्दपुर स्थित बक्रा खोलाको बगरमा बेवारिसे अवस्थामा २६४.५९ किलो गाँजा बरामद भएको थियो ।
सो स्थानमा पुनः गाँजाको कारोबार हुन सक्ने सूचनापछि इलाका प्रहरी कार्यालय सिजुवाबाट राति गस्ती टोली खटिएको थियो । राति करिब ९ः२५ बजे केही मानिसहरू गाँजा बोकेर भारततर्फ जाँदै गरेको अवस्थामा प्रहरीसँग जम्काभेट भयाे ।
प्रहरीले नियन्त्रणमा लिन खोज्दा गाँजा बाेकेकाहरु भाग्न खोजेपछि सुरुमा १ राउन्ड हवाई फायर गरेको थियो । हवाई फायर गर्दा पनि नरोकिएपछि प्रहरीले फेरि चलाएको गोली भारतको अररिया जिल्ला जोगबनीका ३९ वर्षीय प्रमोद चौधरी देब्रे खुट्टाको पिँडुलामा लाग्यो ।
घाइते चौधरी र उनीसँगै रहेका भारत अररिया जिल्ला महगामा ग्राम पंचायतका ५० वर्षीय राजेन्द्रप्रसाद यादव पक्राउ परे ।
प्रहरीले उनीहरुकाे साथबाट करिब १०० किलो गाँजा पनि बरामद गरेकाे छ । घाइते चौधरीको अवस्था सामान्य छ । दुवैमाथि अनुसन्धान भइरहेको मोरङ प्रहरी प्रवक्ता प्रहरी नायव उपरीक्षक मिश्रले जानकारी दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4