News Summary
Generated by OK AI. Editorially reviewed.- चक्रपाणि खनालले अन्तर्राष्ट्रिय घटनाक्रम र आन्दोलनले नेपालका वामपन्थी पार्टीहरू निराश हुनु नपर्ने बताएका छन्।
- उनले ब्राजिलमा कम्युनिस्ट नेता चौथोपटक राष्ट्रपति निर्वाचित भएको घटना नेपालका वामपन्थीका लागि सकारात्मक भएको बताए।
- खनालले जेनजी आन्दोलनपछि पार्टीमा युवाको सहभागिता बढाउनुपर्ने र नबढाए नेकपा एकाध जिल्लामा सीमित हुन सक्ने बताए।
१२ कात्तिक, बुटवल । नेपाली कम्युनिष्ट पार्टीका लुम्बिनी प्रदेश इन्चार्ज एवं पूर्वमन्त्री चक्रपाणि खनाल बलदेवले अन्तर्राष्ट्रिय घटनाक्रम र आन्दोलनहरूले नेपालका वामपन्थी पार्टीहरू निराश हुनु नपर्ने टिप्पणी गरेका छन् ।
नेपाली कम्युनिष्ट पार्टी रुपन्देहीको दुई महिने जागरण अभियानको बुटवलमा उद्घाटन गर्दै उनले विश्वव्यापी रुपमा पूजिवाद भन्दा कम्युनिस्टहरुले अंगिकार गरेको समाजवाद ठीक रहेछ भन्ने मान्यता स्थापित हुँदै गएको बताए ।
ब्राजिलमा चौथो पटक कम्युनिस्ट नेता राष्ट्रपतिमा निर्वाचित भएका र लाखौं जनता विजयउत्सव मनाउन सडकमा उत्रिएको घटना नेपालका वामपन्थीका लागि सकारात्मक भएको बताए ।
दीपक भट्ट जस्ता बिचौलियालाई प्रयोग गरेर केपी ओलीले नेपालमा कम्युनिष्ट एकता र कम्युनिष्ट सरकार भताभुङ्गर बद्नाम बनाएको खनालको आरोप छ ।
खनालले जेनजी आन्दोलनले विश्वव्यापी रुपमा पुराना दल र नेतृत्वप्रति राम्रो काम गरेको भएपनि जबरजस्त नकारात्मक धारणा स्थापित गरिदिएका कारण अब पार्टीमा युवाहरुको सहभागिता बढाउनुपर्नेमा जोड दिए ।
पार्टीमा युवा पंक्ति नबढाउने हो भने नेकपा पनि मोहनविक्रम सिंह, नारायणमान बिजुक्छे, मोहन वैद्यको पार्टी जस्तो खुम्चिएर एकाध जिल्लामा सीमित हुनुपर्ने जोखिम रहेको स्पष्ट पारे ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4