१५ कात्तिक, काठमाडौं । नेपाली कांग्रेसका सभापति गगन थापाले रास्वपाले पाँच वर्ष शासन गर्ने म्यान्डेट पाएको कुरालाई कांग्रेसले सम्मान गरेको बताएका छन् । यस्तै, कांग्रेसले प्रमुख प्रतिपक्षको म्यान्डेट पाएको कुरालाई सरकारले सम्मान गर्नुपर्ने उनले बताए ।
‘राष्ट्रिय स्वतन्त्र पार्टीले पाँच वर्षलाई सरकार चलाउने म्यान्डेट पाएको छ । हामी यसलाई पूर्ण सम्मान गर्छौं,’ आइतबार विशेष सम्बोधनका क्रममा उनले भने, ‘र, पाँच वर्ष नेपाली कांग्रेस पार्टीले प्रमुख प्रतिपक्षको म्यान्डेट पाएको छ भन्ने कुरा पनि सरकारले बुझोस् । सम्मान गरोस् ।’
लोकतन्त्रको विषयमा खबरदारी गर्ने, निगरानी गर्ने काम कांग्रेसको रहेको पनि सभापति थापाले बताए । ‘सरकारलाई मनमौजी हुने कुरा, सरकार जबाफदेही नहुने कुरा हाम्रा लागि स्वीकार्य छैन । डरबाट शासन गर्ने कुरा हाम्रा लागि स्वीकार्य छैन । सरकारले भर दिएर शासन गरोस् भन्ने हामी चाहन्छौं,’ उनले भने ।
यसबारे सरकारसँग छलफल गर्न पनि आफूहरू तयार रहेको उनले बताए । सरकारसँग कुरा गर्न, प्रतिवाद गर्न र सहकार्य गर्न पनि तयार रहेको उनले सुनाए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4