News Summary
Generated by OK AI. Editorially reviewed.- जय नेपाल पार्टीले संविधान संशोधनसहित आठ बुँदे संकल्प सार्वजनिक गर्दै माग सम्बोधन नभए चरणबद्ध शान्तिपूर्ण आन्दोलन गर्ने चेतावनी दिएको छ।
- पार्टी सभापति धवलशमशेर राणाले संवैधानिक राजसंस्था, सनातन हिन्दु अधिराज्य र प्रदेश संरचनाबारे जनमत संग्रहलाई संविधान संशोधनको प्राथमिकता बताएका छन्।
- पार्टीले भोटेकोसी–त्रिशूली बाढीपीडितका राहत सामग्री र रकमको विवरण सार्वजनिक गर्न तथा प्रधानमन्त्री दैवी प्रकोप उद्धार कोषको खर्च जानकारी दिन माग गरेको छ।
१७ कात्तिक, काठमाडौं । जय नेपाल पार्टीले संविधान संशोधनसहित आठ बुँदे संकल्प सार्वजनिक गरेको छ । आफ्ना माग सम्बोधन नभए चरणबद्ध शान्तिपूर्ण आन्दोलन गर्ने चेतावनी पनि दिएको छ ।
पार्टी सभापति धवलशमशेर राणाले मंगलबार प्रेस विज्ञप्ति जारी गर्दै संवैधानिक राजसंस्था, सनातन हिन्दु अधिराज्य र प्रदेश संरचनाबारे जनमत संग्रहलगायत विषयलाई संविधान संशोधनका प्राथमिकताका रूपमा अघि सारेका हुन् । उनले वालेन्द्र शाह नेतृत्वको सरकारले सुशासन, समृद्धि र भ्रष्टाचार नियन्त्रणका लागि विश्वसनीय आधार निर्माण गर्न नसकेको उल्लेख गरेका छन् ।
भोटेकोसी–त्रिशूली नदीको बाढीपीडितका लागि प्राप्त राहत सामग्री र रकमको विवरण सार्वजनिक गर्न र प्रधानमन्त्री दैवी प्रकोप उद्धार कोषमा संकलित रकमको खर्चबारे जानकारी दिन सो पार्टीले माग गरेको छ ।
सरकारप्रति जनताको अपेक्षा ठूलो भए पनि महँगी बढेको र दैनिक उपभोग्य वस्तुको सहज उपलब्धता नहुँदा जनजीवन कष्टकर बनेको जय नेपाल पार्टीको भनाइ छ ।
विभिन्न ८ बुँदे प्राथमिकतालाई राज्यले समयमै सम्बोधन नगरे चरणबद्ध रूपमा शान्तिपूर्ण आन्दोलनका गतिविधि सञ्चालन गर्ने सो पार्टीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4