News Summary
Generated by OK AI. Editorially reviewed.- गोरखाको धार्चे गाउँपालिका–१ ठाडो भर्याङको जंगल क्षेत्रमा आज बिहान ९ बजे ठूलो सुक्खा पहिरो गएको छ।
- गाउँपालिका अध्यक्ष लक्ष्मण गुरुङले पहिरोका केही ढुंगा र माटो बूढीगण्डकी नदीमा पुगे पनि नदी थुनिने अवस्था नरहेको बताए।
- एसपी अनुपकुमार खड्काले पहिरोबाट मानवीय क्षति नभएको र प्रहरी टोली घटनास्थलतर्फ गएको बताए।
२८ कात्तिक, काठमाडौं । गोरखाको धार्चे गाउँपालिका–१ स्थित ठाडो भर्याङको जंगल क्षेत्रमा ठूलो सुक्खा पहिरो गएको छ ।
पहिरो खसेर केही छिटपुट ढुंगा तथा माटो बूढीगण्डकी नदीमा पुगे पनि नदी थुनिने अवस्था नरहेको गाउँपालिकाका अध्यक्ष लक्ष्मण गुरुङले बताए ।
उनका अनुसार पहिरो खसेको स्थान फराकिलो पाखा क्षेत्रमा रहेकाले तत्काल कुनै जोखिम छैन । पहिरोका कारण बूढीगण्डकी नदी थुनिने खतरा पनि नरहेको उनले स्पष्ट पारे ।
‘बूढीगण्डकीमा केही छिटपुट मात्रै आइपुगेको छ । नदी थुनिने अवस्था अहिले छैन । पछि आयो भने बेग्लै कुरा हो । पहिरो खसेको ठाउँ फराकिलो र पाखा भएकाले त्यस्तो खतरा छैन,’ अध्यक्ष गुरुङले भने ।
जिल्ला प्रहरी कार्यालय गोरखाले पनि उक्त स्थानमा सुक्खा पहिरो खसेको बताएको छ ।
गोरखाका एसपी अनुपकुमार खड्काले अनलाइनखबरसँग भने, ‘धार्चे गाउँपालिका-१ को ठाडो भर्याङमा धुलोसहितको ठूलो पहिरो खसेको छ । पहिरोबाट कुनै मानवीय क्षति भएको छैन । धुलो सडकसम्म आइपुगेको छ । बूढीगण्डकी नदी थुनिने अवस्था पनि छैन ।’
पहिरो खसेको ठाउँमा प्रहरीको टोली जाँदै गरेको उनले बताए ।
एसपी खड्काका अनुसार आज बिहान ९ बजेको समयमा एक्कासि सुक्खा पहिरो खसेको हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4