४ चैत, काठमाडौं । बलिउड अभिनेता सलमान खान आफ्नो उदार स्वभावलाई लिएर परिचित छन् । निकट साथी उनलाई ‘यारोंका यार’ पनि भन्छन् ।
दक्षिण भारतीय सुपरस्टार चिरञ्जीवीसँग उनको सम्बन्ध हार्दिक छ । बाल्यकालदेखि नै चिरञ्जीवी सलमानका प्रिय अभिनेता हुन् । चिरञ्जीवीका छोरा रामचरण आफ्नो फिल्म ‘जञ्जीर’को छायांकन मुम्बईमा गरिरहँदा सलमान उनीसँगै खाना लिन सेटमा पुग्ने गर्थे ।
यतिबेला भने यी दुईजनाको यस्तो सम्बन्धलाई लिएर नयाँ खबर छ । चिरञ्जीवी स्टारर फिल्म ‘गडफादर’मा सलमानको केमियो भूमिका हुने भएको छ । यो फिल्मका लागि प्रस्ताव गरिएको २० करोड भारु पारिश्रमिक नलिने सलमानले सलमानले गरेका छन् ।
यदि चिरञ्जीवीले उनलाई पैसा तिर्न बाध्य बनाए आफूले फिल्म नखेल्ने पनि सलमानले स्पष्ट पारेका छन् । चिरञ्जीवीलाई सलमानको प्रश्न छ, ‘यदि मैले तिमीलाई मेरो फिल्ममा भूमिका गर्न दिएँ भने त्यसको लागि तिमीले शुल्क लिन सक्छौ ?’ यो प्रश्नले चिरञ्जीवी अवाक् भए ।
‘गडफादर’मा सलमानको २० मिनेट लामो अतिथि भूमिका हुनेछ भने एकसाता उनी छायांकनमा व्यस्त हुनेछन् ।
प्रतिक्रिया 4