२०८३ जेठ १६ गते ०:०७ 
News Summary
Generated by OK AI. Editorially reviewed.- इरानले काजखस्तानलाई ३–१ सेटले हराउँदै काभा महिला भलिबल च्याम्पियनसिपको उपाधि जितेको छ ।
- त्रिपुरेश्वरस्थित दशरथ रंगशाला कभर्डहलमा शुक्रबार भएको फाइनल खेल जित्दै इरान प्रतियोगितामा अपराजित रहन सफल भयो ।
- इरानले लगातार दोस्रो संस्करणमा अपराजित रहँदै उपाधि जितेर सेन्ट्रल एसियामा आफ्नो प्रभुत्व कायम राखेको छ ।
१५ जेठ, काठमाडौं । इरानले अपराजित रहँदै काभा महिला भलिबल च्याम्पियनसिपको उपाधि जितेको छ ।
त्रिपुरेश्वरस्थित दशरथ रंगशाला कभर्डहलमा शुक्रबार भएको फाईनलमा काजखस्तानलाई ३-१ सेटमा पराजित गर्दै इरान लगातार च्याम्पियन बनेको हो ।
सन् २०२४ मा काठमाडौंबाट सुरु भएको यस प्रतियोगिताको पहिलो संस्करणमा इरान तेस्रो स्थानमा सीमित भएको थियो ।
इरानले त्यसपछिको दुई संस्करण अपराजित रहँदै उपाधि जितेर सेन्ट्रल एसियामा आफ्नो प्रभुत्व कायम राखेको छ ।
व्यक्तिगत विधातर्फ पनि इरानकै खेलाडीको वर्चस्व रह्यो । इरानकी फातेमेह खलिली मोस्ट भ्यालुएबल प्लेअर घोषित भइन् । खलिलीसँगै काजखस्तानकी क्रिस्टिना बेलोभा बेस्ट आउटसाइड स्पाइकर घोषित भए । यस्तै इरानकी कप्तान शबनम अलीखानी उत्कृष्ट सेटर र पुरसालेह इलाहेह उत्कृष्ट अपोजित स्पाइकर घोषित भए । भारतकी शिल्पा सिन्धु र काजखस्तानकी युलिया फोमेन्को उत्कृष्ट मिडल ब्लकर घोषित भए । भारतकै साथी दास उत्कृष्टर लिबेरो चुनिइन् ।
ड्रिम टिममा इरानबाट तीन खेलाठी समावेश हुँदा काजखस्तान र भारतबाट २-२ खेलाडी हटाएका थिए ।
तस्वीरहरू
प्रतिक्रिया 4