विद्यालय शिक्षा विधेयकको छलफलमा श्याम घिमिरे

१२ असार, काठमाडौं । विद्यालय शिक्षा विधेयकको छलफलमा नेपाली कांग्रेसका प्रमुख सचेतक श्याम कुमार घिमिरे सहभागी भएका छन् । उनी पहिलोपटक शिक्षा समिति बैठकमा सहभागी भएका हुन् ।

यसअघि लेखा समिति सदसय रहेका घिमिरे आजबाट शिक्षा समितिमा जान थालेका हुन् ।

विद्यालय शिक्षा विधेयकमाथि प्रतिनिधि सभा अन्तर्गतको शिक्षा, स्वास्थ्य तथा सूचना प्रविधि समितिमा छलफल चलिरहेको छ । उक्त छलफलमा उनी पनि सहभागी भएका हुन् ।

शुक्रबार दिउँसाेदेखि सुरू भएको बैठकमा ‘विद्यालय शिक्षा विधेयक उपसमितिको प्रतिवेदन माथि छलफल’ गर्ने कार्यसूची छ ।

दलहरूबीच जुटेको सहमतिअनुसार कक्षा १० को एसइई परीक्षा प्रदेश स्तरमा सञ्चालन हुनेछ । यसको परीक्षा सञ्चालन र व्यवस्थापनबारे थप व्यवस्था प्रदेश कानुन बनाए अनुसार हुने गरी छोड्न लागिएको छ ।