‘स्नो लियोपार्ड सिस्टर्स’ नेपाल अमेरिका फिल्म फेस्टिभलमा उत्कृष्ट

News Summary

Generated by OK AI. Editorially reviewed.

नेपाल अमेरिका फिल्म फेस्टिभलमा ‘स्नो लियोपार्ड सिस्टर्स’ उत्कृष्ट फिचर फिल्म घोषित भयो।
फिल्म ‘द विटनेस ट्री’ उत्कृष्ट छोटो फिल्म र ‘द लास्ट वाइल्ड हर्ड’ उत्कृष्ट विधामा पुरस्कार पाए।
फेस्टिभल प्रमुख पूर्णसिंह बराइलीले यस वर्षको संस्करण भव्यरुपमा सम्पन्न भएको बताए।

मेरिल्याण्ड (अमेरिका) । हिमचितुवाको संरक्षण बारेको कथामा आधारित फिल्म ‘स्नो लियोपार्ड सिस्टर्स’ यसवर्षको नेपाल अमेरिका फिल्म फेस्टिभलमा उत्कृष्ट फिचर फिल्म घोषित भएको छ ।

सोनम छेकी लामा, बेन आयर्स र एन्ड्रियू लिन्च निर्देशित यो फिल्म ९० जति जंगली हिउँचितुवा पाइने उपल्लो डोल्पामा छायांकन गरिएको छ ।

नीरञ्जनराज भेटवाल निर्देशित ‘द विटनेस ट्री’ उत्कृष्ट छोटो फिल्म घोषित भएको छ । ‘बेस्ट अफ डीएमभी’ विधामा आयश जोशी र अन्ना कनर्स निर्देशित फिल्म ‘द लास्ट वाइल्ड हर्ड : डिफेन्डिङ यल्लोस्टोन्स बफेलो’ उत्कृष्ट बनेको छ ।

नेपाली पानोरामा विधामा सुविना श्रेष्ठ निर्देशित ‘देवी’ डकुमेन्ट्री उत्कृष्ट घोषित भएको छ । किरणभक्त जोशी निर्देशित फिल्म ‘क्ले बर्ड’ले जुरी अवार्ड जितेको छ ।

विजेतालाई अभिनेता हरिवंश आचार्य, निर्देशक मीनबहादुर भामसहितले पुरस्कार वितरण गरे । फेस्टिभल प्रमुख पूर्णसिंह बराइलीले यसवर्षको संस्करण भव्यरुपमा सम्पन्न भएको बताए ।

नेपाल अमेरिका फिल्म सोसाइटीले वर्षेनी फेस्टिभल आयोजना गर्छ ।