News Summary
Generated by OK AI. Editorially reviewed.- नेपाली कांग्रेसले भूमि विधेयकमा राखेको संशोधन प्रस्तावबारे छलफल गर्न बैठक बोलाएको छ।
- भूमि विधेयक कार्यसूचीबाट हटाउन दबाब दिने उद्देश्यले कांग्रेस महामन्त्री विश्वप्रकाश शर्माले संशोधनकर्ता कांग्रेसका सांसदहरूको बैठक डाकेका हुन् ।
२५ असार, काठमाडौं । भूमि विधेयकमा संशोधन प्रस्ताव राख्ने नेपाली कांग्रेसका सांसदहरूको बैठक बस्ने भएको छ ।
भूमि विधेयक संसद्को कार्यसूचीमा परेपछि कांग्रेस असन्तुष्ट बनेको छ । भूमि विधेयकमा थप छलफल गर्नुपर्ने कांग्रेसको अडान छ । संसदीय समितिमा विधेयक फिर्ता गर्नुपर्ने कांग्रेस नेताहरूले बताएका छन् ।
भूमि विधेयक कार्यसूचीबाट हटाउन दबाब दिने उद्देश्यले कांग्रेस महामन्त्री विश्वप्रकाश शर्माले संशोधनकर्ता कांग्रेसका सांसदहरूको बैठक डाकेका हुन् । बैठक केहीबेर पछि बस्ने छ ।
भूमि विधेयकमा शर्मासहित महामन्त्री गगन थापा, सहमहामन्त्री जीवन परियार सहित कांग्रेस सांसदहरू दिलेन्द्र बडु, राजेन्द्र केसी, सञ्जय गौतम, आशा विक, नागिना यादव, सिता मिजार, रमा पौडेल कोइराला लगायतले संशोधन प्रस्ताव राखेका छन् ।
महामन्त्री थापा विदेश रहेकाले कांग्रेसका संशोधनकर्ताको बैठकमा उपस्थित हुन नसक्ने बताइएको छ । बैठक संसद् भवन स्थित संसदीय दलका नेता एवं सभापति शेरबहादुर देउवाको कार्यकक्षमा बस्ने तय भएको छ ।
प्रतिनिधिसभाको बैठक दिउँसो १ बजेका लागि बोलाइएको छ । आजको बैठकमा भूमि विधेयक छलफल र पारित गर्ने गरी प्रारम्भिक कार्यसूची सार्वजनिक गरिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4