News Summary
Generated by OK AI. Editorially reviewed.- म्याग्दीको मालिका गाउँपालिका–३ रुप्सीपारमा पहिरोमा पुरिएका १३ वर्षका सरोज विकको शव फेला परेको छ।
- बुधबार घाँसदाउरा गएका बेला सरोजका बुबा जगेन्द्र विकको पहिरोले मृत्यु भएको थियो भने बालक बेपत्ता थिए।
- शसस्त्र प्रहरी बल नेपाल आश्रित गुल्म म्याग्दी र नेपाल प्रहरीले संयुक्त टोलीले बिहीबार दिउँसो शव फेला पारेको जिल्ला प्रहरी कार्यालय म्याग्दीका इन्स्पेक्टर सागर पौडेलले जानकारी दिए।
२६ असार, काठमाडौं । म्याग्दीको मालिका गाउँपालिकास्थित लुप्सीपारमा पहिरोमा पुरिएर बेपत्ता भएका एक बालकको शव फेला परेको छ ।
मालिका गाउँपालिका–३ रुप्सीपारमा पहिरोमा पुरिएका अन्दाजी १३ वर्षका सरोज विकको शव फेला परेको हो ।
बुधबार घाँसदाउरा गएका बेला उनका बुबा ३५ वर्षीय जगेन्द्र विकको समेत पहिरोले पुरेर मृत्यु भएको थियो भने बालक बेपत्ता थिए ।
शसस्त्र प्रहरी बल नेपाल आश्रित गुल्म म्याग्दी र नेपाल प्रहरीको संयुक्त टोलीले बिहीबार दिउँसो १:२५ बजेतिर बेपत्ता सरोजको शव फेला पारेको जिल्ला प्रहरी कार्यालय म्याग्दीका सूचना अधिकारी एवं इन्स्पेक्टर सागर पौडेलले जानकारी दिए ।
बुधबारको पहिरोले स्थानीय कुलबहादुर बुढाको गोठ बगाउँदा एक हल गोरु समेत बगाएको थियो ।
मंगलबार रातिदेखिको वर्षाले पहिरो खसेको सूचना अधिकारी एवं इन्स्पेक्टर पौडेलले बताए । मनसुन सक्रिय भएसँगै जिल्लामा बाढी पहिरोका घटना बढेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4