लक्ष्मी सनराइज बैंकको नाफा ४१ प्रतिशत बढ्यो, लाभांश क्षमता कति ?

News Summary

Generated by OK AI. Editorially reviewed.

लक्ष्मी सनराइज बैंकको गत आर्थिक वर्षको खुद नाफा करिब ४१ प्रतिशत बढेर ४ अर्ब ११ करोड रुपैयाँ पुगेको छ।
बैंकको खुद ब्याज आम्दानी घटे पनि कर्जा नोक्सानी व्यवस्थापन रकम घटेपछि नाफामा वृद्धि देखिएको छ।
निष्क्रिय कर्जा अघिल्लो आर्थिक वर्षको ४.६३ प्रतिशतबाट गत असार मसान्तसम्म ४.२५ प्रतिशत झरेको छ।

२९ साउन, काठमाडौं । लक्ष्मी सनराइज बैंकको नाफा करिब ४१ प्रतिशत बढेको छ । बैंकले सार्वजनिक गरेको गत आर्थिक वर्षको अपरिस्कृत वित्तीय विवरणअनुसार खुद नाफा ४ अर्ब ११ करोड रुपैयाँ छ । अघिल्लो आर्थिक वर्ष यस्तो नाफा २ अर्ब ९२ करोड रुपैयाँ थियो ।

बैंकको खुद ब्याज आम्दानी सामान्य घटे पनि नोक्सानी व्यवस्थापन रकम (इम्पेरिमेन्ट चार्ज) घटेपछि नाफामा वृद्धि देखिएको हो । अघिल्लो आर्थिक वर्ष बैंकको खुद ब्याज आम्दानी १२ अर्ब ३६ करोड रुपैयाँ रहेकोमा गत आर्थिक वर्ष ११ अर्ब ३७ करोड रुपैयाँ छ ।

त्यस्तै अघिल्लो आर्थिक वर्ष कर्जा नोक्सानी व्यवस्थापनवापत ३ अर्ब ५८ करोड रुपैयाँ छुट्याएकोमा गत आर्थिक वर्ष यो रकम घटेर १ अर्ब १८ करोड रुपैयाँ छ ।

वार्षिक प्रतिसेयर आम्दानी बढेको छ । यस्तो आम्दानी अघिल्लो आर्थिक वर्ष १२.५९ रुपैयाँ रहेकोमा गत आर्थिक वर्ष १६.९१ रुपैयाँ छ । बैंकको वितरणयोग्य नाफा ३ अर्ब रुपैयाँ छ । प्रतिसेयर वितरणयोग्य नाफा १२.३४ रुपैयाँ छ । बैंकको प्रतिसेयर नेटवर्थ १८६.६३ रुपैयाँ छ ।

निष्क्रिय कर्जा घटाउन बैंक सफल भएको छ । अघिल्लो आर्थिक वर्ष कुल कर्जामा यस्तो कर्जा ४.६३ प्रतिशत रहेकोमा गत असार मसान्तसम्म झरेर ४.२५ प्रतिशत छ ।