खानीखोला हाइड्रोपावरको शतप्रतिशत हकप्रद सेयर खुल्यो, कम्पनी नोक्सानमा

News Summary

Generated by OK AI. Editorially reviewed.

खानीखोला हाइड्रोपावर कम्पनीले ४६ लाख ५७ हजार १४३ कित्ता हकप्रद सेयर आजदेखि जारी गरेको छ।
कम्पनीले असार २६ गतेसम्म कायम सेयरधनीलाई हकप्रदमा आवेदन दिन सक्ने जनाएको छ।
कम्पनीले गत आर्थिक वर्षमा ३ करोड ४९ लाख रुपैयाँ नोक्सानी व्यहोरेको र आयोजनामा क्षतिका कारण बन्द रहेको खुलाएको छ।

३ भदौ, काठमाडौं । खानीखोला हाइड्रोपावर कम्पनीले आज मंगलबारदेखि हकप्रद सेयर निष्कासन गरेको छ ।

कम्पनीले हाल कायम चुक्ता पूँजीको शत प्रतिशत अर्थात् ४६ लाख ५७ हजार १४३ कित्ता हकप्रद सेयर खुलाएको हो । असार २६ गतेसम्म कायम सेयरधनीले हकप्रदमा आवेदन दिन सक्नेछन् । इक्रा नेपालबाट कम्पनीले बी रेटिङ पाएको छ ।

हकप्रद सेयर खुलाएको यो कम्पनी भने नोक्सानीमा छ । गत आर्थिक वर्ष कम्पनीले ३ करोड ४९ लाख रुपैयाँ नोक्सानी ब्यहोरेको छ । प्रतिसेयर आम्दानी ७.५१ रुपैयाँ ऋणात्मक छ ।

प्रतिसेयर नेटवर्थ जम्मा ७३ रुपैयाँ छ । बाढीका कारण आयोजनामा क्षति भएकाले बन्द अवस्थामा रहेको कम्पनीले स्पष्ट पारेको छ । ४.३६ मेगावाट क्षमताको टुंगुन ठोस्ने र २ मेगावाटको खानीखोला आयोजना कम्पनीले सञ्चालन गर्दै आएकोमा दुवै आयोजना क्षतिका कारण बन्द अवस्थामा छन् ।

क्षति भएका संरचनाको मर्मत कार्य अन्तिम चरणमा रहेको कम्पनीले जनाएको छ । हाल बजारमा सेयर मूल्य प्रतिकित्ता २६८ रुपैयाँ छ ।