धर्म प्रचार गरेको आरोपमा ३ इन्डोनेसियाली नागरिक पक्राउ

News Summary

Generated by OK AI. Editorially reviewed.

अध्यागमन विभागले तीन जना इन्डोनेसियाली नागरिकलाई भिसाको उद्देश्य विपरीत संकास्पद क्रियाकलाप गरेको आरोपमा पक्राउ गरेको छ।
सन् २०२४ मा नेपाल आएकी एक इन्डोनेसियाली महिलाले ललितपुरको धोबीघाटमा मुस्लिम धर्म प्रचार गरेको विभागले आरोप लगाएको छ।

५ भदौ, काठमाडौं । तीन जना इन्डोनेसियाली नागरिकलाई अध्यागमन विभागले पक्राउ गरेको छ ।

भिसाको उद्देश्य विपरीत संकास्पद क्रियाकलाप गरेको पाइएपछि उनीहरूलाई पक्राउ गरिएको अध्यागमन विभागले जनाएको छ ।

पक्राउ परेकामध्ये एक महिलाले ललितपुरको धोबीघाटमा मुस्लिम धर्मसँग सम्बन्धित संस्था हिमालय शिक्षा तथा हितेसी समाजमा गर्ल्स होस्टलमा राखी तीन जना इन्डोनेसियाली महिलालाई शिक्षकको रूपमा राखी टर्किस र कुरान भाषा सिकाउनुका साथै मुस्लिम धर्म प्रचार गरेको आरोप छ ।

उनीहरु सन् २०२४ देखि नै नेपालमा आएर बसिरहेको पाइएको अध्यागमन विभागका महानिर्देशक रामचन्द्र तिवारी बताउँछन् । उनी भन्छन्, ‘म विभागको महानिर्देशक भएर आएदेखि नै विदेशीको गतिविधिबारे निगरानी गरिरहेका छौं, त्यहीक्रममा उनीहरु पक्राउ परेका हुन् ।’

धर्म प्रचार वापत उनीहरूले २ करोड ५० लाख रुपैयाँ बुझ्ने गरेको अध्यागमन स्रोतले बतायो । नियन्त्रणमा लिइएका मध्ये एकले पर्यटक भिसा र दुईले अध्ययन भिसा लिएको पाइएको छ ।