यश कुमारले ल्याए म्युजिकल फिल्म ‘हल्का हल्का’, तुलसी घिमिरेले गरे प्रशंसा

News Summary

Generated by OK AI. Editorially reviewed.

गायक तथा अभिनेता यश कुमारले नयाँ गीत 'हल्का हल्का'को म्युजिक भिडियो सार्वजनिक गरेका छन्।
फिल्म निर्देशक तुलसी घिमिरेले यशको काम गर्ने तरिकाबाट प्रभावित भएको उल्लेख गर्नुभयो।
गीतको शब्द रचना तथा संगीत यश कुमारकै रहेको छ र भिडियोमा स्मिता प्रधानसहित मुख्य भूमिका उनीहरूले नै खेलेका छन्।

काठमाडौं । गायक तथा अभिनेता यश कुमारले नयाँ गीत ’हल्का हल्का’को म्युजिक भिडियो सार्वजनिक गरेका छन् ।

आयोजित समारोहमा ‘म्युजिकल फिल्म’ स्क्रिनिङ गरियो । कार्यक्रममा फिल्म निर्देशक तुलसी घिमिरे प्रमुख अतिथिको रुपमा सहभागी थिए ।

निर्देशक घिमिरेले यशको काम गर्ने तरिकाबाट प्रभावित भएको बताए । ‘म पनि धेरै समयपछि नेपाली सिनेमाको निर्देशनमा कमव्याक गर्दैछु । त्यसका लागि पनि मैले आजको कार्यक्रममा सहभागी भएर धेरै कुरा सिक्ने अवसर पाएँ’ उनले भने ।

घिमिरेले गायिका स्मिता प्रधानको प्रशंसा गर्दै भने, ‘गायिका स्मिता दार्जिलिङको कालिम्पोङबाट काठमाडौं आएर गायनमा जमेको देख्दा खुसी लाग्यो । उहाँको भविष्य उज्वल देख्छु ।’

यश कुमारको शब्द रचना तथा संगीत रहेको गीतको एरेन्ज र मिक्सिङ देवेस राईले गरेका हुन् । भिडियामा पनि यश र स्मिताले नै मुख्य भूमिकामा अभिनय गरेका छन् ।

उनीहरुसँगै राजेश घतानी, दीपेन्द्र सोनम, सुगत करनजीत, तुलसा लिम्बु र सुदीप सोनमको अभिनय छ । निर्देशन यशले गरेका हुन् ।

हरि हुमागाईंको छायांकन रहेको भिडियोमा विकास धमालाको सम्पादन तथा कलर, मेकअप तुलसा लिम्बुको छ ।