४ असोज, बेइजिङ । नेपाल र चीनबीच कुटनीतिक सम्बन्धको ७० वर्षको आयाम र उपलब्धीबारे प्रकाशित पुस्तक ‘सुमधुर सम्बन्धका ७० साल’ को विमोचन भएको छ ।
शनिबार बेइजिङमा रहेको नेपाली दूतावासमा आयोजित कार्यक्रममा चीनका लागि नेपाली राजदूत कृष्णप्रसाद ओली र नेपालका पत्रकार किशोर श्रेष्ठले उक्त पुस्तकको संयुक्त विमोचन गरेका हुन् ।
नेपाल चीन मिडिया फोरमले प्रकाशन गरेको पुस्तकमा नेपाल र चीनबीच कुटनीतिक सम्बन्ध सुरू भएयताका बिभिन्न कालखण्डका घटनाक्रम र उपलब्धीहरूबारे लिपिवद्ध गरिएको छ ।
पुस्तकमा नेपाल र चीनबीचको सांस्कृतिक सम्बन्ध, शीतयुद्धकालीन सम्बन्धका श्रृंखला, नेपाल चीन आधुनिक आर्थिक सम्बन्धबारे उल्लेख छ ।
नेपाली र चिनियाँ दुवै भाषामा प्रकाशित पुस्तकका बारेमा बोल्दै चीनका लागि नेपाली राजदूत ओलीले पुस्तकले दुईदेशबीचको सम्बन्ध स्थापनापछिका महत्वपूर्ण चरणहरूबारे सिलसिलेबार रूपमा उल्लेख गरेर इतिहासलाई जीवन्त राखेको बताए ।
पुस्तकबारे चीनका विभिन्न विश्वविद्यालयका प्राध्यापकहरूले पनि आ–आफ्ना धारणा राखेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
Insert%20Rename%20Macros.jpeg "House for Sale at Imadol")
प्रतिक्रिया 4