पाटनको ठेँचोमा देखाइयो नवदुर्गा नाँच, सकियो दशैं (तस्वीरहरू)

News Summary

Generated by OK AI. Editorially reviewed.

पाटनको ऐतिहासिक मूलचोकमा अष्टमी र विजया दशमीमा ठेँचो नवदुर्गा नाँच प्रदर्शन गरिएको छ।
ठेँचो नवदुर्गा नाँच मल्लकालअघि देखि देखाइँदै आएको स्थानीय भक्तलाल मालीले बताए।
११ नर्तकहरूले परम्परागत मुखुण्डोमा भैरवदेखि इंद्रायणीसम्मका देवताहरूको नृत्य प्रस्तुत गर्छन्।

२१ असोज, काठमाडौं। पाटनको ऐतिहासिक मूलचोकमा ठेँचो नवदुर्गा नाँच देखाइएको छ। यो नाँच हरेक वर्ष अष्टमी र विजया दशमीमा देखाइन्छ कोजाग्रत पूर्णिमाको दिन पाटनमा देखाइएको थियो । यो नाँच सम्पन्न भएसँगै यस क्षेत्रमा दशैं पर्व पनि सकिएको मानिन्छ।

हिन्दु धर्मको देवता शिवलाई खुशी मनाउन उक्त नाच देखाइने प्रचलन रहेको स्थानीय बुढापाकाहरु बताउँछन् । यो नाच मल्लकालभन्दा अगाडिदेखि देखाउँदै आएको ठेँचोका भक्तलाल मालीले जानकारी दिए ।

ठेँचोस्थित देवीको घरबाट सुरु भएको यस धार्मिक यात्रामा सहभागी देवगणहरूले परम्परागत पोसाक र मुखुण्डोमा सजिएर मुख्य देवी (मु द्यः), अन्य मुखुण्डोहरू, पोसाक, गहना र खर्पन बोकेर ऐतिहासिक मूलचोकसम्म ल्याएका थिए।

यो नाँच एक पटक दशैंको अवसरमा र अर्को पटक योमरी पुन्हीको अवसरमा प्रदर्शन गर्ने गरिन्छ। उक्त नृत्य गर्ने समूहमा जम्मा ११ नर्तकहरू हुन्छन्।

उनीहरूले भैरव, सीमा, धुम्बा, गणेश, बराही, चामुण्डा, भ्रामायनी, महेश्वरी, वैष्णवी, कुमारी र इंद्रायणीको मुखौटा सजिएर नृत्य प्रस्तुत गर्छन्।

हेर्नुहोस् थप तस्वीरहरू :