२८ असोज, काठमाडौं । नेपाली कांग्रेसका सभापति शेरबहादुर देउवा जेनजी आन्दोलनपछि पहिलोपटक आज सार्वजनिक भएका छन् ।
मंगलबार पार्टी केन्द्रीय कार्यालय सानेपामा बसेको केन्द्रीय समिति बैठकमा पुगेर उनी पहिलोपटक सार्वजनिक भएका हुन् । उनीसँगै देउवा पत्नी एवं कांग्रेस नेतृ डा. आरजु राणा देउवा पनि बैठकमा सहभागी हुन सानेपा पुगेकी थिइन् ।
२४ भदौको जेनजी प्रदर्शनको क्रममा देउवाको घरमा आगजनी गर्नुका साथै देउवा दम्पतीमाथि कुटपिट भएको थियो । कुटपिटबाट घाइते भएका उनीहरू त्यसयता स्वास्थ्यलाभ गरिरहेका थिए ।
आजको केन्द्रीय समितिको बैठकमा सहभागी हुन देउवा दम्पती सानेपा पुगेका हुन् ।
जेनजी आन्दोलनपछि पहिलो पटक सार्वजनिक हुने भएपछि सानेपामा सुरक्षा व्यवस्था अत्यन्तै कडा पारिएको थियो ।
केन्द्रीय समिति बैठकलाई देउवाले सम्बोधन गरेका थिए । देउवाको सम्बोधनसँगै आजको बैठक स्थगित गरिएको थियो ।
उपचारका लागि विदेश जाने तयारीमा रहेका देउवाले कार्यवाहक सभापतिको जिम्मेवारी उपसभापति पूर्णबहादुर खड्कालाई दिएका छन् ।
पर्सि बस्ने केन्द्रीय समिति बैठकको अध्यक्ष खड्काले गर्ने महामन्त्री विश्वप्रकाश शर्माले जानकारी दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Beautiful House on sale at Sanagau")
.jpg "Beautiful House on sale at Imadol")
प्रतिक्रिया 4