३० असोज, काठमाडौं । पूर्व विज्ञानमन्त्री गणेश शाहले नेकपा माओवादी केन्द्र छाडेको घोषणा गरेका छन् ।
हिमालय टेलिभिजनको कार्यक्रम ‘समय सन्दर्भ’मा बोल्दै उनले आफू ७५ वर्ष पुगिसकेको र जेनजी आन्दोलनको सकारात्मक पक्षलाई ख्याल गर्दै ‘राजनीतिबाट अवकाश’ लिएको बताए ।
योसँगै माओवादी केन्द्र समेत छाडेको बताउँदै उनले भनेका छन्, ‘अब म माओवादीको नेता रहिनँ, सदस्य पनि रहिनँ ।’
शाह भंग भएको माओवादी केन्द्रीय समितिमा सचिव पदमा थिए ।
उनी पूर्व विज्ञानमन्त्री समेत हुन् । शाहले सन् १९७३मा रसियाको लोभोभ विश्वविद्यालयबाट इन्जिनियरिङ विषय अध्ययन गरेका थिए ।
उनी एकता प्रक्रियाबाट माओवादी केन्द्रमा आएका थिए । माओवादी केन्द्रमा एकता प्रक्रियामा आउनुअघि उनी नेपाल कम्युनिष्ट पार्टी (एकीकृत)का महासचिव थिए।
अब कुनै पनि पार्टीमा नलाग्ने उनले पटक–पटक दोहोर्याए ।
नयाँ पार्टी खोलेकाहरूले अभिभावकीय भूमिका खेलिदिन आग्रह गरिरहेको उल्लेख गर्दै उनले आफू त्यस्तो भूमिकाका लागि तयार नहुने बताए । उनले भने, ‘माओवादीमा मात्रै होइन, अब म कुनै पनि पार्टीमा रहन्न ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Beautiful House on sale at Sanagau")
.jpg "Beautiful House on sale at Imadol")
प्रतिक्रिया 4