२० प्रतिशत घट्यो एनएमबी बैंकको नाफा

News Summary

Generated by OK AI. Editorially reviewed.

एनएमबी बैंकको चालु आर्थिक वर्षको पहिलो त्रैमासिकमा खुद नाफा २० प्रतिशतले घटेर ९१ करोड ५९ लाख रुपैयाँ पुगेको छ।
नाफा घट्नुको मुख्य कारण लोन लस प्रोभिजन बढ्नु हो, जुन यसअघि ३ करोड रिभर्सलबाट अहिले ७१ करोड छुट्याइएको छ।
बैंकको खुद ब्याज आम्दानी १ अर्ब ९९ करोडबाट २ अर्ब ४८ करोड रुपैयाँ पुगेको छ र निष्क्रिय कर्जा कुल कर्जाको ४.५८ प्रतिशत पुगेको छ।

२१ कात्तिक, काठमाडौं । एनएमबी बैंकको खुद नाफा २० प्रतिशतले घटेको छ ।

बैंकले सार्वजनिक गरेको चालु आर्थिक वर्षको पहिलो त्रैमासिक वित्तीय विवरणअनुसार यस अवधिमा खुद नाफा ९१ करोड ५९ लाख रुपैयाँ छ । गत वर्षको यसै अवधिमा यस्तो नाफा १ अर्ब १४ करोड रुपैयाँ थियो ।

नाफा घट्नुको मुख्यः कारण लोन लस प्रोभिजन (इम्पेरिमेन्ट चार्ज) बढ्नु हो । पहिले लोन लस प्रोभिजन रकम ३ करोड ‘रिभर्सल’ गरेकोमा अहिले ७१ करोड रुपैयाँ छुट्याएको छ ।

बैंकको खुद ब्याज आम्दानी बढेको छ । यस्तो आम्दानी पहिले १ अर्ब ९९ करोड रुपैयाँ रहेकोमा अहिले २ अर्ब ४८ करोड रुपैयाँ छ ।

बैंकको वार्षिक प्रतिसेयर आम्दानी १९.९५ रुपैयाँ छ । पहिले यस्तो आम्दानी २४.९५ रुपैयाँ थियो । प्रतिसेयर नेटवर्थ १७८.६४ रुपैयाँ छ । निष्क्रिय कर्जा बढेको छ । कुल कर्जामा यस्तो कर्जा पहिले ३.६३ प्रतिशत रहेकोमा अहिले ४.५८ प्रतिशत छ ।

बैंकको वितरणयोग्य नाफा १ अर्ब ९४ करोड रुपैयाँ (प्रतिसेयर ८.०९ रुपैयाँ) छ । बजार मूल्य प्रतिकित्ता २४२ रुपैयाँ छ । बैंकको आधार दर एक वर्षको अवधिमा ७.४९ बाट घटेर ५.८९ प्रतिशतमा झरेको छ ।