‘मुगलान’ को टिजर : मजदूरी गर्न भारत छिरेका युवाको संघर्ष कथा

News Summary

Generated by OK AI. Editorially reviewed.

रिहान प्रोडक्सनको ब्यानरमा बनेको फिल्म 'मुगलान' को ३९ सेकेण्डको टिजर सार्वजनिक भएको छ।
फिल्ममा आर्थिक अभाव झेलेका एक युवा परिवारले भारतमा मजदूरी गरी गरेको संघर्षको कथा देखाइएको छ।
'मुगलान' १० पुसदेखि प्रदर्शनमा आउने तयारीमा छ र यसमा प्रभात पाल र स्मारिका ढकालले मुख्य भूमिका निर्वाह गरेका छन्।

काठमाडौं । रिहान प्रोडक्सनको ब्यानरमा बनेको ‘फिल्म ‘मुगलान’ को टिजर सार्वजनिक भएको छ ।

३९ सेकेण्डको टिजरमा फिल्मको कथावस्तुबारे संक्षिप्त प्रकाश पारिएको छ । आर्थिक अभाव झेलेका एक युवा परिवारलाई सुखमा राख्नका लागि मजदूरी गर्न भारत पुग्छन् ।

त्यहाँ पाएको सास्ती र साहुले गरेको अत्यचारको कथा यसमा छ । परिवारको सुख र आफ्नो सपना साकार पार्न उसले गरेको संघर्षको कथावस्तुबारे टिजरले चित्रण गरेको छ ।

फिल्ममा प्रभात पाल र स्मारिका ढकालको शीर्ष भूमिका छ । त्यसबाहेक फिल्ममा श्री शिवांशु, दिनेश डीसी, मोती सुबेदी, रामचन्द्र अधिकारी, खड्गबहादुर पुन, राजुराज सोनी, रश्मी भट्ट, जीवन गौतम र सबिन बाँस्तोलाको अभिनय छ ।

आशिष ढकालको पटकथा र निर्देशनमा निर्माण फिल्मको निर्माता गोमन सिंह छन् । यो फिल्मको सहायक निर्मात्री रीता चौधरी हुन् ।

‘मुगलान’ १० पुसदेखि प्रदर्शन तयारीमा छ ।