कालिमाटीको सरकारी भवन आगजनी गर्ने व्यक्ति ७ मुद्दाका अभियुक्त

News Summary

Generated by OK AI. Editorially reviewed.

कालिमाटीस्थित सरकारी प्रशासनिक भवन तोडफोड तथा आगजनी गरेको आरोपमा ४१ वर्षीय विजय लामालाई प्रहरीले पक्राउ गरेको छ।
पक्राउ परेका विजय लामामाथि यसअघि सात पटक मुद्दा चलेको र अहिले आठौं पटक मुद्दा चल्ने जिल्ला प्रहरी परिसर काठमाडौंका एसपी पवनकुमार भट्टराईले बताए।
उनी सार्वजनिक हित स्वास्थ्य सुविधा र नैतिकताविरुद्ध पाँच पटक तथा सार्वजनिक अपराधको कसुरमा दुई पटक मुद्दा चलिसकेको व्यक्ति हुन्।

३० कात्तिक, काठमाडौं । कालिमाटीमा रहेको सरकारी प्रशासनिक भवन तोडफोड तथा आगजनी गरेको आरोपमा एक जना पक्राउ परेका छन् ।

पक्राउ पर्नेमा काठमाडौं टंकेश्वरका ४१ वर्षीय विजय लामा छन् । उनलाई प्रहरी वृत्त कालिमाटीबाट खटिएको टोलीले पक्राउ गरेको हो।

उनले तरकारी बजारभित्र रहेको प्रशासनिक भवन तोडफोड र आगजनी गरेको आरोप छ ।

पक्राउ परेका उनीविरुद्ध यसअघि सात पटक मुद्दा चलेको देखिएको जिल्ला प्रहरी परिसर काठमाडौंका एसपी तथा प्रवक्ता पवनकुमार भट्टराईले बताए।

सार्वजनिक हित स्वास्थ्य सुविधा र नैतिकताविरुद्धको कसुरमा पाँच पटक मुद्दा चलेको व्यक्ति रहेको एसपी भट्टराईले बताए ।

त्यसैगरी सार्वजनिक अपराधको कसुरमा यसअघि नै दुई पटक मुद्दा चलेको पाइएको छ । अहिले पक्राउ परेसँगै उनीविरुद्ध आठौं पटक मुद्दा चल्छ ।