काठमाडौं मोडल कलेजको २२ औं दीक्षान्त समारोह सम्पन्न

News Summary

Generated by OK AI. Editorially reviewed.

काठमाडौं मोडल कलेजले २२ औं दीक्षान्त समारोह गौशालास्थित होटल बेस्ट वेस्टर्न प्लसमा सम्पन्न गरेको छ।
समारोहमा करिब १५० जना स्नातक तथा स्नातकोत्तर तहका विद्यार्थी दीक्षित भएका थिए।
कलेजले विभिन्न विधामा उत्कृष्ट विद्यार्थीलाई प्रमाणपत्र र नगद पुरस्कार वितरण गरेको छ।

११ मंसिर, काठमाडौं । काठमाडौं बागबजारमा अवस्थित काठमाडौं मोडल कलेजले २२ औं दीक्षान्त समारोह मनाएको छ ।

शुक्रबार गौशालास्थित होटल बेस्ट वेस्टर्न प्लसमा आयोजित विशेष समारोह कलेजका अध्यक्ष रामेश्वर अर्यालको अध्यक्षतामा सम्पन्न भएको हो । उक्त समारोहमा काठमाडौं मोडल कलेजमा अध्ययन गरी स्नातक तथा स्नातकोत्तर तह उत्तीर्ण गरेका करिब १५० जना विद्यार्थी दीक्षित भएका थिए ।

समारोहमा कलेज प्रमुख सुरेन्द्र सुवेदीले विद्यार्थीको प्रगतिमा सधैं गर्व रहने गरेको बताए । सुवेदीले विद्यार्थीलाई सुशोभन शपथ खुवाएका थिए ।

समारोहमा आइडिया स्टुडियो नेपालका सहसंस्थापक डा. छिरिङ लामा मुख्य वक्ताको रुपमा थिए । उनले दीक्षित हुने सम्पूर्ण विद्यार्थीलाई अध्ययन गरेको ज्ञान र प्राप्त सिपलाई राष्ट्र र राष्ट्रियतासँग जोड्दै समुन्नत भविष्यका लागि सुसंस्कृत हुँदै अगाडि बढ्न सुझाव दिए ।

कलेजले केएमसी एकेडेमिक एक्सिलेन्ज अवार्ड अन्तर्गत बीबीए तर्फ इस्तर घिमिरे, बीबीएम तर्फ अनिशा तामाङ, बीसीएतर्फ श्रद्धा डंगोल, बीएतर्फ प्रजिता प्रधान, बीबीएसतर्फ शेली घले , एमएतर्फ रेजी मानन्धर तथा एमबीएसतर्फ भीष्म भण्डारीलाई प्रमाणपत्र तथा प्रति विद्यार्थी २५ हजार नगदका दरले सम्मान गरिएको थियो ।

बेस्ट अन्डरग्राजुएट रिसर्च अवार्डबाट बीबीएस तर्फ रेबिका डंगोल, बीबीएमतर्फ समिर भुषाल तथा बीबीएतर्फ आकृति तामाङलाई प्रमाणपत्र, अवार्ड तथा २५ हजार नगदका दरले सम्मान गरिएको थियो ।

स्नातकोत्तर तहतर्फ बेस्ट अन्डरग्राजुएट रिसर्च अवार्डबाट एमएका बिमलेन्द्र राइलाई प्रमाणपत्र, अवार्ड तथा २५ हजार नगदबाट सम्मान गरिएको थियो ।