नेपाल एयरलाइन्सले अन्तर्राष्ट्रिय उडानमा श्रमिकलाई १० प्रतिशत भाडा छुट दिने

News Summary

Generated by OK AI. Editorially reviewed.

नेपाल वायुसेवा निगमले काठमाडौंबाट दमाम, दोहा, दुबई र क्वालालाम्पुर जाने श्रमिक यात्रुका लागि १० प्रतिशत छुटसहित नयाँ भाडादर योजना लागू गरेको छ।
निगमले प्रत्येक उडानमा दश सिटमा साविकको भाडामा १० प्रतिशत विशेष सहुलियत दिने निर्णय गरेको छ।
श्रमिक यात्रुले आवश्यक कागजातसहित निगमको कार्यालयबाट छुट सुविधा लिन सक्ने निगमले बताएको छ।

१२ मंसिर, काठमाडौं । नेपाल वायुसेवा निगमले काठमाडौंबाट रोजगारीका लागि दमाम, दोहा, दुबई तथा क्वालालाम्पुर गन्तव्यतर्फ जाने नेपाली श्रमिक यात्रुहरूका लागि विशेष छुटसहित नयाँ भाडादर योजना लागु गरेको छ ।

श्रमिक यात्रुहरूको सर्वसुलभताका लागि नेपालबाट तोकिएको गन्तव्यमा यात्रा गर्दा प्रत्येक उडानमा दश वटा सिटमा साविकको भाडामा १० प्रतिशत विशेष सहुलियत दिने निर्णय भएको निगमले जनाएको छ ।

श्रम मुलुकमा यात्रा गर्ने यात्रुले आवश्यक कागजातसहित निगमको नेपालस्थित कार्यालयका टिकट काउन्टरबाट छुट सुविधा लिन सक्ने छन् । यसबाट श्रम मुलुकमा यात्रा गर्ने यात्रुलाई विशेष सुविधा, सहयोग तथा सहुलियत हुने विश्वास निगमले लिएको छ ।