पारस र घरबेटी बापछि ‘कमेडी नाइट विथ च्याम्पियन्स’ मा भरतमणीको नयाँ अवतार

News Summary

Generated by OK AI. Editorially reviewed.

भरतमणी पौड्यालले 'कमेडी नाइट विथ च्याम्पियन्स' को ३६ औं भागमा लागूऔषध कूलतले बिग्रिएको युवकको भूमिका निभाएका छन्।
कार्यक्रममा पत्रकार टीकाराम यात्री र रियालिटी शो निर्देशक अमनप्रताप अधिकारीसँग हाँस्यब्यंग्यपूर्ण भलाकुसारी गरिएको थियो।
शोको टोलीले 'हाँस्छ अमेरिका' कार्यक्रम लिएर चाँडै अमेरिका भ्रमणमा निस्कने तयारी गरेको छ।

काठमाडौं । भरतमणी पौड्याल तन्नेरी पुस्तामा रुचाइएका कमेडियन हुन् । चाहे पूर्वयुवराज पारसको भूमिकामा दमदार अभिनय, चाहे घरबेटी बाको भूमिका, आफूलाई भिन्न चरित्रमा जीवन्त तुल्याउन सक्नु उनको खुबी हो ।

‘कमेडी नाइट विथ च्याम्पियन्स’ को मंगलबार प्रसारित ३६ औं भागमा दर्शकले उनलाई भिन्न अवतारमा हेर्न पाउँछन् । उनी यसपटक लागूऔषध कूलतले बिग्रिएको युवकको रोलमा देखिएका छन् ।

जट्टाधारी डेडलक कपाल, पहेँलो हेडब्यान्ड, मेटालिक अवतारमा उनी देखिएका छन् । पछिल्लो समय घरबेटीको भूमिकामा देखिँदै आएका भरतमणीलाई दर्शकले भिन्न शैलीमा देख्न पाउँछन् ।

यो भागमा उनले अतिथिहरू पत्रकार टीकाराम यात्री र रियालिटी शो निर्देशक अमनप्रताप अधिकारीसँग हाँस्यब्यंग्यपूर्ण भलाकुसारी गरिरहेको देखिन्छ । उनले अतिथिलाई आफ्नै पारामा रोस्ट गरेका छन् ।

उक्त भागमा अन्य कलाकारले समसामयिक विभिन्न राजनीतिक व्यक्तिको भूमिकामा आफूलाई प्रस्तुत गरेका थिए । ‘कमेडी नाइट विथ च्याम्पियन्स’ हिमालय टिभीमा प्रत्येक मंगलबार राती ९ बजेदेखि प्रसारण हुँदै आएको छ ।

शोको टोली ‘हाँस्छ अमेरिका’ कार्यक्रम लिएर चाँडै अमेरिका भ्रमणमा निस्किने तयारीमा छ ।