कोरोनाकालमा बन्द भएको नाका अझै नखोलेको भन्दै आमरण अनशन

News Summary

Generated by OK AI. Editorially reviewed.

रौतहटको परोहा नगरपालिका–९ रामपुर खापमा रहेको छोटी भन्सार कार्यालय खोल्न सिमाना संघर्ष समितिका अध्यक्ष तजमुल हकले १ पुसदेखि आमरण अनशन बसेका छन्।
कोरोना संक्रमणका कारण रामपुर खाप सीमाबाट चारपांग्रे सवारी साधन आवतजावत बन्द गरिएको छ र सशस्त्र प्रहरी बलको बीओपीले नाका अहिलेसम्म खोल्न सकेको छैन।
सीमाबन्दीले सिमावर्ती गाउँका स्थानीय बासिन्दाले घरायसी सामान किनमेल गर्न सीमापारी जान नपाएको गुनासो गरेका छन्।

१ पुस, जनकपुरधाम । करोना संक्रमण फैलिएको बेला बन्द गरिएको नाका अहिलेसम्म नखोलिएको भन्दै रौतहटका एक व्यक्ति आमरण अनशन बसेका छन् ।

रौतहटको परोहा नगरपालिका–९ रामपुर खापमा रहेको छोटी भन्सार कार्यालय खुलाउन सिमाना संघर्ष समितिका अध्यक्ष तजमुल हक (पूर्व शिक्षक) आइतबार दिउँसो ३ बजेदेखि आमरण अनशन बसेका हुन् ।

कोरोना संक्रमण अघिसम्म खुल्ला रहेको रामपुर खाप सीमाबाट चारपांग्रे सवारी साधन आवत–जावत पूर्णरुपमा बन्द गरेका गरिएको थियो । सशस्त्र प्रहरी बलको बीओपी रामपुर खापले बन्द गरेपछि आजसम्म सो खोलेको छैन।

सीमानाका बन्द हुँदा सिमावर्ती गाउँका स्थानीय बासिन्दा घरायसी सामान किनमेल गर्न सीमापारी जान नपाएको गुनासो छ ।

एकवर्ष अघि पनि त्यहाँ स्थानीय अनसन बसेका थिए । सम्बन्धित निकायबाट आश्वासन पाएपछि तोडिएको थियो । तर हालसम्म कार्यान्वयन नगरेपछि खाप छोटी भन्सारको प्रांग्रणमा तजमुल हक आमरण अनसन बसेका हुन् ।