ओलीसहितलाई शुभकामना दिँदै पोखरेलले भने: पार्टी अभियानमा निरन्तर संलग्न हुन्छु

News Summary

Generated by OK AI. Editorially reviewed.

नेकपा एमालेको ११औँ राष्ट्रिय महाधिवेशनमा अध्यक्ष पदमा पराजित भएका ईश्वर पोखरेलले पार्टी अभियानमा निरन्तर सहभागी हुने बताएका छन्।
पोखरेलले नयाँ नेतृत्वलाई शुभकामना दिँदै एमालेको देशभक्तिपूर्ण आन्दोलन र समाजवादको आधार निर्माणमा आफ्नो सहभागिता अटूट रहने विश्वास दिलाएका छन्।
उनले महाधिवेशनमा उठाएका बहुदलीय जनवाद, सामूहिक नेतृत्व र पार्टी सञ्चालनमा नियन्त्रण र सन्तुलनको सिद्धान्तको पालन नयाँ स्तरमा निरन्तरता पाउने विश्वास व्यक्त गरेका छन्।

३ पुस, काठमाडौँ । नेकपा एमालेको ११औँ राष्ट्रिय महाधिवेशनमा अध्यक्ष पदमा पराजित भएका ईश्वर पोखरेलले आफू विजयी हुन नसके पनि पार्टीको अभियानमा निरन्तर सहभागी भइरहने बताएका छन् ।

सामाजिक सञ्जाल फेसबुकमार्फत नयाँ नेतृत्वलाई शुभकामना दिँदै उनले पार्टी अभियानमा लागिरहने बताएका हुन् ।

‘आफू विजयी बन्न नसके पनि देशभक्तिपूर्ण आन्दोलन, लोकतान्त्रिक आन्दोलन र समाजवादको आधार निर्माण गर्ने एमालेको अभियानमा मेरो सहभागिता र संलग्नता अटूट रूपमा रहिरहने कुरा विश्वास दिलाउन चाहान्छु। नेकपा (एमाले) को निर्वाचित नयाँ नेतृत्वले आफ्नो कार्यकाल सफलताका साथ सम्पन्न गर्न सकोस्- हार्दिक शुभकामना व्यक्त गर्दछु’ उनले भनेका छन् ।

त्यस्तै उनले जनताको बहुदलीय जनवादलगायतका मुद्दाहरूमा नयाँ स्तरमा पुग्ने विश्वास रहेको पनि बताए ।

‘महाधिवेशनको दौरानमा उठाएका मुद्दाहरू- जनताको बहुदलीय जनवादको प्रकाशमा पार्टीमा सामूहिक नेतृत्व, विधि र पद्धति अनुसार पार्टी सञ्चालन, पार्टीलाई सही र लोकतान्त्रिक तरिकाले सञ्चालन गर्न नियन्त्रण र सन्तुलनको सिद्धान्तको पालन आदि महत्त्वपूर्ण विषयहरूले बहस र छलफलले नयाँ स्तरमा निरन्तरता पाउने कुरामा विश्वास व्यक्त गर्दछु,’ पोखरेलले थप भनेका छन् ।