राप्तीमा रुख कटान प्रकरण : जिल्लाको आदेशविरुद्ध उच्च जाने अध्यक्ष विष्टको चेतावनी

News Summary

Generated by OK AI. Editorially reviewed.

राप्ती उपत्यकामा सडक पूर्वाधार निर्माणका क्रममा रुख कटान विवाद भएपछि सडक डिभिजन कार्यालयले सूचना जारी गरेको छ।
राप्ती गाउँपालिका अध्यक्ष प्रकाश विष्टले आफूहरू रुख कटानमा संलग्न नभएको र स्थानीयले आफ्नै घरअगाडिका रुख काटेको बताएका छन्।
डिभिजन वन कार्यालयले अध्यक्ष विष्टसहित जनप्रतिनिधिविरुद्ध मुद्दा दर्ता गरेपछि विष्टले उच्च अदालत जाने योजना बनाएको बताएका छन्।

८ पुस, दाङ । लुम्बिनी प्रदेशको स्थायी राजधानी राप्ती उपत्यकामा पूर्वाधार निर्माणका क्रममा सडकको दायाँ-बायाँ रहेका संरचना हटाउन सडक डिभिजन कार्यालयले सूचना जारी गरेपछि रुख कटानको विषयलाई लिएर विवाद चुलिएको छ ।

राप्ती गाउँपालिका दाङका अध्यक्ष प्रकाश विष्टले भने आफूहरूले कुनै पनि रुख कटानमा संलग्न नभएको बताएका छन् ।

‘हामीले न आरा चलायौँ, न कसैलाई रुख काट्न आदेश दियौँ,’ उनले भने, ‘जनप्रतिनिधिलाई जसले जे आरोप लगाए पनि हुने हो र?’

उनका अनुसार सडक डिभिजन कार्यालयको सूचनापछि कतिपय स्थानीयले आफ्नै घरअगाडिका रुख काटेका हुन् । तर त्यसको जिम्मेवारी जनप्रतिनिधिमाथि थोपर्ने प्रयास भएको उनको गुनासो छ ।

यसै विषयमा डिभिजन वन कार्यालय लमहीले गाउँपालिका अध्यक्ष विष्टसहित वडाका जनप्रतिनिधिहरुविरुद्ध जिल्ला अदालतमा मुद्दा दर्ता गरेपछि अध्यक्ष विष्टले असन्तुष्टि व्यक्त गरेका हुन् ।

उनले भने उक्त मुद्दाविरुद्ध आफूहरू उच्च अदालत जाने पनि बताए ।

‘हामी जिल्ला अदालतको फैसलालाई सम्मान गर्छौँ । न्यायालय लोकतन्त्रको मेरुदण्ड हो,’ अध्यक्ष विष्टले भने, ‘तर यो अन्तिम फैसला होइन । हामी सत्य र न्यायप्रतिको भरोसाका साथ उच्च अदालत जानेछौँ ।’