हर्क साम्पाङले हटाएका मित्र परियार नेकपाको समानुपातिक बन्द सूचीमा

News Summary

Generated by OK AI. Editorially reviewed.

हर्क सम्पाङ नेतृत्वको श्रम संस्कृति पार्टीबाट अनुशासनको कारबाहीमा परेका उपाध्यक्ष मित्र परियारलाई नेपाली कम्युनिस्ट पार्टीले समानुपातिक सांसदको उम्मेदवार बनाएको छ।
परियारलाई दलित क्लस्टरबाट १ नम्बरमा राखेर नेकपाले बन्दसूची पेस गरेको छ र पुस ११ गते प्रचण्डले स्वागत गर्नुभएको थियो।
परियारले ५ पुसमा बुटवलमा भएको कार्यक्रममा आयोजकप्रति गरेको व्यवहार ठीक नभएको भन्दै साम्पाङले कारबाही गरेको र उनले निलम्बन भएको जानकारी दिएका थिए।

१ पुस, काठमाडौं । हर्क सम्पाङ नेतृत्वको श्रम संस्कृति पार्टीबाट अनुशासनको कारबाहीमा परेका उपाध्यक्ष मित्र परियारलाई नेपाली कम्युनिस्ट पार्टीले समानुपातिक सांसदको उम्मेदवार बनाउने भएको छ ।

केहीदिनअघि मात्रै श्रम संस्कृति पार्टी परित्याग गरेको जानकारी दिएर नेकपा प्रवेश गरेका उनलाई आज दलित क्लस्टरबाट १ नम्बरमा राखेर बन्दसूची पेस गरिएको हो ।

परियारलाई पुस ११ गते पुष्पकमल दाहाल ‘प्रचण्ड’ले स्वागत गरेका थिए ।

बुटवलमा ५ पुसमा भएको कार्यक्रममा परियारले आयोजकप्रति गरेको व्यवहार ठीक नभएको भन्दै अध्यक्ष साम्पाङले कारबाही गरेको जानकारी सामाजिक सञ्जालमार्फत दिएका थिए । त्यसपछि उनले विज्ञप्ति जारी गरी निलम्बन गरिएको बताएका थिए ।

यता परियारलाई पार्टीमा स्वागत गर्दै प्रचण्डले प्राज्ञिक व्यक्तिलाई पार्टीमा स्वागत गर्नु खुसीको कुरा भएको बताएका थिए ।