बिते ०४६ को जनआन्दोलन बेलाका चर्चित पत्रकार मार्क टली

News Summary

Generated by OK AI. Editorially reviewed.

बीबीसीका पूर्वपत्रकार सर मार्क टलीको ११ माघ, काठमाडौंमा निधन भएको छ।
मार्क टलीले ०४६ को जनआन्दोलन र त्यसअघिको बन्द समाजमा नेपालबारे बीबीसी वर्ल्ड र बीबीसी हिन्दीमार्फत् रिपोर्टिङ गरेका थिए।
उनी सन् २०११ मा पहिलो नेपाल लिटरेचर फेस्टिभलमा सहभागी भएका थिए र भारत तथा दक्षिण एसियाले नेपालको लोकतन्त्रबाट सिक्नुपर्ने उदाहरण दिएका थिए।

११ माघ, काठमाडौं । बीबीसीका पूर्वपत्रकार सर मार्क टलीको आइतबार निधन भएको छ । ०४६ को जनआन्दोलन र त्यसअघिको बन्द समाजमा मार्क टलीले बीबीसी वर्ल्ड तथा बीबीसी हिन्दीमार्फत् नेपालको बारेमा थुप्रै रिपोर्टिङ गरेका थिए ।

त्यस बेला सन्चार माध्यम नै सरकारीबाहेक नगन्य रहेका बेला मार्क टलीको आवाज नेपालमा प्रसिद्द थियो ।

नेपालका पूर्वप्रधानमन्त्रीहरू कृष्णप्रसाद भट्टराई, मनमोहन अधिकारी, गिरिजाप्रसाद कोइराला, सूर्यबहादुर थापा आदिसँग राम्रो सम्बन्ध बनाएका मार्क टली पछिल्लोपल्ट सन् २०११ अर्थात् पहिलो नेपाल लिटरेचर फेस्टिभलका बेला काठमाडौं आएका थिए ।

मार्क टलीसँग त्यस बेला पत्रकार विजय कुमारले लामो संवाद गरेका थिए । मार्क टलीले त्यस बेला तीन दशकभित्र नेपाल काफी बदलिएको भन्दै भारत तथा दक्षिण एसियाले नेपालको लोकतन्त्रबाट सिक्नुपर्ने उदाहरण दिएका थिए ।

मार्क टलीका नो फुलस्टप्स इन इन्डिया लगायत पुस्तक प्रकाशित छन् ।