१३ फागुन, महोत्तरी । श्रम संस्कृति पार्टीका अध्यक्ष हर्क साम्पाङले मधेश सधैँ राज्यबाट विभेदमा पर्दै आएको बताएका छन् ।
बुधबार महोत्तरीको बर्दिबासमा आयोजित चुनावी सभालाई सम्बोधन गर्दै उनले शहीद गजेन्द्र नारायण सिंहको शालिकमा माल्यार्पण गरेर आफू मधेश भित्रिएको बताए । साम्पाङले राज्यले विभिन्न बहानामा सधैँ मधेशलाई विभेद गरिरहेको उल्लेख गरे ।
‘विभेदकै कारण विभिन्न कालखण्डमा यहाँ विभिन्न आन्दोलनहरू हुँदै आएको छ । सबैभन्दा बढी शहीद मधेशबाट भएका छन्,’ उनले भने ।
मुलुकमा स्थिरता, शान्ति र सुरक्षा नभएसम्म देशको विकास सम्भव नरहेको औल्याउँदै अध्यक्ष साम्पाङले देशलाई समृद्ध बनाउने दृष्टिकोण श्रम संस्कृति पार्टीसँग मात्रै रहेको जिकिर गरे ।
‘पार्टी र जातिको नाममा भिडाउनेहरु थुप्रै छन् । हामी फुटेर होइन जुटेर अघि बढ्नुपर्छ । कोही मान्छे फुर्सदमा बस्नुहुँदैन भन्ने हाम्रो मान्यता हो,’ अध्यक्ष साम्पाङले भने, ‘यो निर्वाचन जनताको विवेकको परीक्षा हो । यसपटक श्रम संस्कृति पार्टीको सरकार बन्ने सम्भावना छ ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Apartment for Rent in Hattiban")
प्रतिक्रिया 4