ओली पक्राउको विरोधमा सिरहामा मसाल जुलुस

News Summary

Generated by OK AI. Editorially reviewed.

नेकपा एमाले अध्यक्ष केपी शर्मा ओलीको पक्राउको विरोधमा सिरहाको गोलबजारमा मसाल जुलुसका क्रममा प्रहरी र प्रदर्शनकारीबीच धकेलाधकेल भएको छ।
प्रदर्शनकारीले बोकेको मसाल प्रहरीले खोसेपछि आक्रोशित प्रदर्शनकारीले \'प्रहरी दमन बन्द गर, गृहमन्त्री मुर्दावाद\' लगायतका नारा लगाएका थिए।
इलाका प्रहरी कार्यालय गोलबजारका प्रहरी निरीक्षक सुदन केसीले केहीबेर तनाव भए पनि थप बल प्रयोग नगरी स्थिति नियन्त्रणमा आएको जानकारी दिए।

१६ चैत, सिरहा । पूर्वप्रधानमन्त्री केपी शर्मा ओलीको पक्राउको विरोधमा सिरहाको गोलबजारमा नेकपा एमालेका कार्यकर्ताहरूले मसाल जुलुस निकालेका छन् ।

एमाले अध्यक्ष ओलीको रिहाइको माग राखेर गरिएको प्रदर्शनमा प्रहरी र प्रदर्शनकारीबीच धकेलाधकेल भएको छ।

प्रदर्शनकारीले बोकेको मसाल प्रहरीले नियन्त्रणमा लिन खोजेपछि स्थिति एकाएक तनावग्रस्त बनेको थियो । प्रदर्शनकारीले विरोध जनाउँदै नाराबाजी जारी राखेपछि प्रहरीसँग धकेलाधकेल भएको हो ।

प्रहरीले मसाल खोसेपछि आक्रोशित प्रदर्शनकारीले “प्रहरी दमन बन्द गर, गृहमन्त्री मुर्दावाद,गृहमन्त्री राजीनामा दे, बालेन सरकार मुर्दावाद लगायतका नारा लगाएका थिए ।

प्रहरीले जुलुसलाई आधा बाटोमै रोक्दै मसाल खोस्न प्रयास गरेपछि दुवै पक्षबीच सामान्य झडप भएको हो । केहीबेरसम्म तनावपूर्ण अवस्था रहे पनि थप बल प्रयोग नगरी स्थिति नियन्त्रणमा ल्याइएको इलाका प्रहरी कार्यालय गोलबजारका प्रहरी निरीक्षक सुदन केसीले जानकारी दिए ।