त्रिभुवन विमानस्थलमा राखियो एईडी उपकरण, हृदयघात हुँदा तुरुन्तै प्रयोग गर्न सकिने

News Summary

Generated by OK AI. Editorially reviewed.

त्रिभुवन विमानस्थलमा पहिलो पटक सार्वजनिक स्थानमा अटोमेटेड एक्स्टर्नल डिफिब्रिलेटर (एईडी) उपकरण जडान गरिएको छ।
हेल्थ एडभान्समेन्ट प्रोग्राम इन साउथ एसिया (एचएपीएसए) नेपालले सो उपकरण जडान गरेको हो।
एईडी मुटुको धड्कन अचानक बन्द हुने अवस्थामा तुरुन्त प्रयोग गरी बिरामीको ज्यान बचाउन सहयोग गर्ने उपकरण हो ।

२४ चैत, काठमाडौं । त्रिभुवन विमानस्थलमा अटोमेटेड एक्स्टर्नल डिफिब्रिलेटर (एईडी) उपकरण जडान गरिएको छ । विमानस्थलमा सार्वजनिक स्थानमै पहिलो पटक यस्तो उपकरण राखिएको हो ।

एईडी आकस्मिक हृदयघात वा मुटुको धड्कन अचानक बन्द हुने अवस्थामा तुरुन्त प्रयोग गरी बिरामीको ज्यान बचाउन सहयोग गर्ने जीवनरक्षक उपकरण हो । हेल्थ एडभान्समेन्ट प्रोग्राम इन साउथ एसिया (एचएपीएसए) नेपालले सो उपकरण जडान गरेको हो ।

यस्ता उपकरण सार्वजनिक स्थानमा उपलब्ध हुनु आपत्‌कालीन स्वास्थ्य सुरक्षातर्फको ठूलो कदम भएको एचएपीएसएले जनाएको छ । यस पहलमार्फत एचएपीएसए नेपालले समुदायस्तरमा जीवन रक्षक सिपहरूको प्रबर्द्धन गर्न समेत जोड दिएको छ । एईडी प्रयोग सम्बन्धी तालिम लिन इच्छुक व्यक्तिले सो संस्थासँग सम्पर्क गर्न समेत सकिने एचएपीएसए नेपालले जनाएको छ ।