उपसभामुखमा नेकपाले श्रम संस्कृतिकी उम्मेदवार रुवीलाई समर्थन गर्ने

News Summary

Generated by OK AI. Editorially reviewed.

नेपाली कम्युनिस्ट पार्टीले उपसभामुखमा श्रम संस्कृति पार्टीकी रुबीकुमारी ठाकुरलाई समर्थन गर्ने निर्णय गरेको छ।
उपसभामुखमा रुबीकुमारी ठाकुर र राष्ट्रिय प्रजातन्त्र पार्टीकी सरस्वती लामाको उम्मेदवारी परेको छ।
रास्वपाले रुबीकुमारीलाई समर्थन गरेपछि उपसभामुखमा उनको निर्वाचित हुनु निश्चित छ।

२६ चैत, काठमाडौं । नेपाली कम्युनिस्ट पार्टीले उपसभामुखमा श्रम संस्कृति पार्टीबाट उम्मेदवार बनेकी रुबीकुमारी ठाकुरलाई समर्थन गर्ने भएको छ ।

उपसभामुखमा ठाकुर र राष्ट्रिय प्रजातन्त्र पार्टी (राप्रपा)बाट सरस्वती लामाको उम्मेदवारी परेको छ । बिहान ११ बजेदेखि दिउँसो २ बजेसम्म तय भएको निर्धारित समयमा दुई जनाको उम्मेदवारी परेको होे ।

भोलि शुक्रबार निर्वाचन हुनेछ । श्रम संस्कृतिको उम्मेदवार रुबीकुमारीलाई सत्तारुढ दल रास्वपाले पनि समर्थन गरेको छ ।

सभामुख र उपसभामुख फरक दल र लिंग हुनुपर्ने व्यवस्था छ । यसअघि नै रास्वपाबाट डिपी अर्याल सभामुख निर्वाचित भइसकेका छन् ।

प्रतिनिधिसभामा रास्वपासहित ६ दल छन् ।

२७५ सदस्यीय प्रतिनिधिसभामा रास्वपाको मात्रै १८२ सांसद छन् । नेपाली कांग्रेस ३८, नेकपा एमाले २५, नेपाली कम्युनिस्ट पार्टी १७, श्रम संस्कृति पार्टी ७, राष्ट्रिय प्रजातन्त्र पार्टी (राप्रपा) का ५ सांसद छन् ।

रास्वपाले समर्थन गरेसँगै श्रम संस्कृतिका उम्मेदवार रुबीकुमारी उपसभामुखमा निर्वाचित हुने निश्चित छ ।

श्रम संस्कृतिका उम्मेदवारलाई समर्थन गर्ने निर्णय भएको नेकपाका सांसद युवराज दुलालले जानकारी दिए ।