सेती अस्पतालबाट भागेका लागूऔषध थुनुवा भारततर्फ भाग्दै गर्दा पक्राउ

News Summary

Generated by OK AI. Editorially reviewed.

धनगढीमा उपचारका लागि सेती प्रादेशिक अस्पताल लगिएको अवस्थामा भागेका लागूऔषध मुद्दाका थुनुवा मुकेश रानालाई भारततर्फ भाग्दै गरेको अवस्थामा पक्राउ गरिएको छ।
रानालाई २४ चैतमा १३ ग्राम ब्राउन सुगरसहित पक्राउ गरिएको थियो र बिहीबार साँझ मिर्गी आएपछि उपचारका लागि अस्पताल लगिएको थियो।
उपचारकै क्रममा प्रहरीको निगरानीमा रहेका राना राति करिब पौने ९ बजेतिर अस्पतालबाट फरार भएका थिए र प्रहरीले उनको खोजी तीव्र पारेको थियो।

२७ चैत, धनगढी । उपचारका लागि सेती प्रादेशिक अस्पताल लगिएको अवस्थामा भागेका लागूऔषध मुद्दाका थुनुवालाई प्रहरीले पक्राउ गरेको छ ।

प्रहरीको निगरानीमा रहेका बेला शुक्रबार राति अस्पतालबाट भागेका धनगढी उपमहानगरपालिका–७ मनहेराका ३२ वर्षीय मुकेश राना भारततर्फ भाग्दै गरेको अवस्थामा धनगढी–९ को बाङ्ग्रा कटानबाट पक्राउ परेका हुन् ।

जिल्ला प्रहरी कार्यालय कैलालीका प्रवक्ता योगेन्द्र तिमिल्सिनाले रानालाई भारततर्फ भाग्दै गरेको अवस्थामा अहिले ९ बजेतिर नियन्त्रणमा लिइएको जानकारी दिए । उनका अनुुसार रानालाई जिप्रकातर्फ ल्याइँदैछ ।

रानालाई २४ चैतमा १३ ग्राम ब्राउन सुगरसहित प्रहरीले पक्राउ गरेको थियो। बिहीबार साँझ करिब ५ बजेतिर मिर्गी आएर ढलेपछि उपचारका लागि अस्पताल लगिएको थियो ।

तर, उपचारकै क्रममा होस खुलेपछि प्रहरीको निगरानीमा रहेका राना राति करिब पौने ९ बजेतिर अस्पतालबाट फरार भएका थिए । त्यसपछि प्रहरीले उनको खोजी तीव्र पारेको थियो ।