News Summary
Generated by OK AI. Editorially reviewed.- कृषि तथा पशुपन्छी विकासमन्त्री गीता चौधरी र एडीबी कन्ट्री डाइरेक्टर अर्र्नोड काउचोइसबीच कृषि क्षेत्र विकास र लगानी विस्तारमा छलफल भएको छ।
- मन्त्री चौधरीले अनावश्यक खर्च कटौती गरी रकम सिधै किसान र समुदायको हितमा खर्च हुनुपर्ने नीति अघि सारिन्।
- एडीबीको सहयोगले ग्रामीण अर्थतन्त्र बलियो बनाउन भूमिका खेलेको उल्लेख गर्दै जलवायुमैत्री कृषि प्रणालीमा लगानी केन्द्रित गर्न आग्रह गरियो।
३ वैशाख, काठमाडौं । कृषि तथा पशुपन्छी विकासमन्त्री गीता चौधरी र एसियाली विकास बैंक (एडीबी) का कन्ट्री डाइरेक्टर अर्र्नोड काउचोइसबीच कृषि क्षेत्र विकास र लगानी विस्तारका विषयमा छलफल भएको छ ।
मन्त्रालयमा बिहीबार भएको भेटमा कृषि क्षेत्रका आयोजनालाई थप प्रभावकारी बनाउने र जलवायु अनुकूलनका क्षेत्रमा सहकार्य गर्ने सहमति भएको हो ।
भेटमा मन्त्री चौधरीले वैदेशिक लगानीका आयोजनामा हुने अनावश्यक खर्च कटौती गर्ने नयाँ नीति अघि सारिन् । उनले आयोजनाको रकम गोष्ठी र होटलका कार्यक्रममा भन्दा पनि सिधै किसान र समुदायको हितमा खर्च हुनुपर्ने धारणा राखिन् ।
बिउबिजन र नर्सरी व्यवस्थापनका समस्या समाधान गर्दै परियोजनालाई द्रुत गतिमा अघि बढाउन मन्त्रालय सक्रिय रहेको उनको भनाइ थियो ।
छलफलमा एडीबीले अघि सारेको हरित तथा उत्थानशील वित्तीय सुविधा, निजी क्षेत्रको संलग्नता र कृषिमा नवप्रवर्तन जस्ता विषयमा छलफल भएको थियो ।
मन्त्री चौधरीले एडीबीको सहयोगले नेपालको ग्रामीण अर्थतन्त्र बलियो बनाउन महत्त्वपूर्ण भूमिका खेलेको उल्लेख गर्दै आगामी दिनमा जलवायुमैत्री कृषि प्रणालीमा लगानी केन्द्रित गर्न आग्रह गरिन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4