कारागारबाट फरार व्यक्ति पक्राउ

News Summary

Generated by OK AI. Editorially reviewed.

रामेछापको लिखु गाउँपालिका–५ का ३३ वर्षीय प्रेम तामाङलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको छ।
प्रेम तामाङले २१ असोज २०७७ मा भक्तपुर चाँगुनारायण नगरपालिका–८ मा ६५ वर्षीय चन्द्रबहादुर योन्जनलाई खुकुरी प्रहार गरी हत्या गरेका थिए।
२० भदौ २०७८ मा जन्मकैद फैसला पाएका प्रेम तामाङ जेनजी आन्दोलनको क्रममा सुन्धारा कारागारबाट फरार भएका थिए र अहिले मित्रपार्कबाट पक्राउ परेका छन्।

११ वैशाख, काठमाडौं । कारागारबाट फरार भएका एक व्यक्ति पक्राउ परेका छन् ।

पक्राउ पर्नेमा रामेछापको लिखु गाउँपालिका–५ धोबीका ३३ वर्षीय प्रेम तामाङ छन् । उनलाई काठमाडौं उपत्यका अपराध अनुसन्धान कार्यालयको टोलीले पक्राउ गरेको हो । उनले २१ असोज २०७७ मा भक्तपुरको चाँगुनारायण नगरपालिका–८ रानिबारीमा ६५ वर्षीय चन्द्रबहादुर योन्जनलाई खुकुरी प्रहार गरी हत्या गरेका थिए ।

हत्यापछि उनले सामान समेत चोरी गरी लगेको प्रहरीले बताएको छ । २६ असोज २०७७ मा पक्राउ परेका उनलाई २० भदौ २०७८ मा भक्तपुर जिल्ला अदालतले जन्मकैदको फैसला सुनाएको थियो ।

त्यसपछि केन्द्रीय कारागार सुन्धारामा थुनामा रहेका उनी जेनजी आन्दोलनको क्रममा फरार भएका थिए । अहिले मित्रपार्कबाट पक्राउ परेका उनलाई सुन्धारा कारागार पठाइएको अपराध अनुसन्धान कार्यालयका एसपी रामेश्वर कार्कीले बताए ।