नीर शाह निर्देशित ‘कमला मिस’ २२ साउनदेखि

News Summary

Generated by OK AI. Editorially reviewed.

निर्देशक नीर शाहको फिल्म 'कमला मिस' २२ साउनमा रिलिज हुने भएको छ।
फिल्मलाई एप्पल इन्टरटेन्मेन्ट, रीच इन्टरटेन्मेन्ट र एफडी कम्पनीले वितरण गर्नेछन्।
फिल्मको कथा विजय मल्लको मौलिक कथा हो र पटकथा शाह, प्रजल दुलाल र सुगम दुलालले तयार पारेका छन्।

काठमाडौं । नीर शाह निर्देशित फिल्म ‘कमला मिस’को प्रदर्शन मिति घोषणा भएको छ । वितरक कम्पनीसँग निर्माताको सम्झौतापछि २२ साउनलार्ई रिलिज डेट तय गरिएको हो ।

यो फिल्मलाई एप्पल इन्टरटेन्मेन्ट, रीच इन्टरटेन्मेन्ट र एफडी कम्पनीले वितरण गर्नेछन् ।

मनोवैज्ञानिक कथावस्तुमा आधारित फिल्ममा शाहसँगै रमेश बुढाथोकी, बास्ना तिमिल्सिना, शिवम क्षेत्री, आरभ दाहाल, भावना मगर, कृष्ण मुरारी ढुंगेल, सुशान्त श्रेष्ठ, जयन्त रेग्मी, सुरेश थापा, राजन केसी र सञ्जय खतिवडाको अभिनय छ ।

विजय मल्ल स्मृति प्रतिष्ठान का लागि उमामल्ल ले निर्माण गरेको फिल्मको कार्यकारी निर्मातामा उमेश मल्ल र चैतन्य प्रधान छन् । लाइन प्रोड्युसर पुष्कर लामा हुन् ।

मौलिक कथा विजय मल्लको हो । एडप्टेड स्क्रिनप्ले (पटकथा) तथा संवाद शाह, प्रजल दुलाल र सुगम दुलालले संयुक्त रूपमा तयार पारेका छन् ।

शिवराम श्रेष्ठको छायांकन, युग भुसालको संगीत तथा रामजी लामिछानेको कोरियोग्राफी छ । निर्माण व्यवस्थापन भोला सुबेदीले सम्हालेका छन् भने मुख्य सहायक निर्देशक सागर बोहरा हुन् ।