यी हुन् वायुसेवा निगम सञ्चालक बन्न आवेदन दिएका २७ जना

News Summary

Generated by OK AI. Editorially reviewed.

नेपाल वायुसेवा निगम सञ्चालक समितिका ५ सदस्य पदका लागि २७ जनाले आवेदन दिएका छन्।
संस्कृति, पर्यटन तथा नागरिक उड्डयन मन्त्रालयले २७ जनाको नाम सार्वजनिक गरेको छ।
सरकारले १९ वैशाखमा पदमुक्ति सम्बन्धी अध्यादेश जारी गरेपछि सञ्चालक सदस्य संख्या ५ कायम भएको मन्त्रालयले बताएको छ।

२१ वैशाख, काठमाडौं । नेपाल वायुसेवा निगम सञ्चालक समितिका ५ सदस्य पदका लागि मागिएको आवेदनमा २७ जनाले आकांक्षा देखाएका छन् ।

संस्कृति, पर्यटन तथा नागरिक उड्डयन मन्त्रालयले २७ जनाको नाम सार्वजनिक गरेको छ । जसमा डा. दीपकप्रसाद बास्तोला, लिलाराज ढकाल, गौतम पाण्डे, वेदप्रसाद उप्रेती, श्रीराम गौतम, भगिरथप्रताप सिंह, चीरञ्जीवी उपाध्याय, मनोजकुमार श्रेष्ठ, महेश्वरभक्त श्रेष्ठ, शम्शेर पराजुली, बलराम पौडेल, अमृतमान श्रेष्ठ, परमेश्वर दहाल र उपेन्द्रबहादुर कार्कीले आवेदन दिएका छन् ।

यसैगरी विष्णुबाबु मिश्र, रुपा लामिछाने, मदनकुमार बराल, योगराज कँडेल, अच्युतराज पहाडी, बिन्दु पन्थी, प्रविन भट्टराई, मनोज भारती, मिरा पाण्डेको समेत आवेदन परेको मन्त्रालयले जनाएको छ । यसैगरी मोहनीलाल खनाल, ऋषिराम पण्डित, डा. भीमबहादुर चन्द्र र राजुबहादुर केसीले समेत आवेदन दिएको मन्त्रालयले जनाएको छ ।

१२ वैशाखमा ४ जना सञ्चालक सदस्यका लागि आवेदन माग गरिएको थियो । तर, सरकारले १९ वैशाखमा सार्वजनिक पदाधिकारीको पदमुक्ति सम्बन्धी विशेष व्यवस्था अध्यादेश जारी गरेपछि थप एक जना सञ्चालक समेत स्वत: पदमुक्त भएका थिए । मन्त्रालयले सोही विज्ञापन कायम गरी नियुक्त गर्नुपर्ने सञ्चालक समिति सदस्य संख्या ५ कायम भएको बताएको थियो ।