विन्दा पाण्डेको प्रस्ताव– बल्खुमै कार्यालय बनाऔं

News Summary

Generated by OK AI. Editorially reviewed.

नेकपा एमालेकी नेता विन्दा पाण्डेले बल्खुमै पार्टी कार्यालय बनाउन प्रस्ताव गरेकी छन्।
एमालेले तुलसीलाल प्रतिष्ठानको भवन खाली भएपछि नयाँ कार्यालयको खोजी गरिरहेको छ।
पाण्डेले संकलन भएको सहयोग रकमले मदननगरको जमिनमा कार्यालय बनाउन सुझाव दिएकी छन्।

२४ वैशाख, काठमाडौ । नेकपा एमालेका नेता विन्दा पाण्डेले बल्खुमै पार्टी कार्यालय बनाउन प्रस्ताव गरेकी छन् ।

तुलसीलाल प्रतिष्ठानको नाममा रहेको च्यासलको भवन खाली गर्नुपर्ने भएपछि एमाले नयाँ कार्यालयको खोजीमा छ । पाण्डेले भने पार्टी कार्यकर्ताहरूबाट उठाइएको पैसाले बल्खुमै कार्यालय बनाउन प्रस्ताव गरेकी छन् ।

‘विगतमा जे भयो, सकियो । संकलन भएको सहयोग रकमले जत्रो र जस्तो भवन बनाउन सकिन्छ, बल्खुस्थित मदननगरको आफ्नै जमिनमा पार्टी स्थापना दिवसको सन्दर्भमा २०७८ वैशाख ९ गते अध्यक्ष कमरेडले शिलान्यास गरेको ठाउँमा कार्यालय बनाएर व्यवस्थापन गर्नु सबैभन्दा उपयुक्त हुनेछ,’ पाण्डेले सामाजिक सञ्जालमा लेखेकी छन् ।

एमालेले बल्खुमै कार्यालय बनाउन भनेर पार्टी सदस्यहरुबाट पैसा संकलन गरेको थियो ।

तर व्यवसायी मीनबहादुर गुरुङले एक अर्बको भवन बनाइदिने भएपछि कार्यालय निर्माण अभियान रोकिएको थियो ।

गुरुङबाट कार्यालय भवन लिने निर्णयमा असहमति जनाएबापत विन्दा पाण्डे, उषाकिरण तिमल्सेना लगायतलाई एमालेले ६ महिना निलम्बन गरेको थियो । जुन कार्यलाई नसम्झन पाण्डेले आग्रह गर्दै बल्खुमै भवन बनाउन प्रस्ताव गरेका हुन् ।