News Summary
Generated by OK AI. Editorially reviewed.- सप्तरीको डाक्नेश्वरी नगरपालिकाले सार्वजनिक ऐलानी जग्गा अतिक्रमण गरी निर्माण गरिएका घर तथा टहराहरू पाँच दिनभित्र हटाउन सम्बन्धित व्यक्तिहरूलाई निर्देशन दिएको छ।
- नगरपालिकाले वडा नम्बर ९ स्थित सखुवा चोकमा रहेका अवैध संरचना हटाउन वडा समितिको निर्णय र अघिल्ला सूचनाहरूलाई आधार मान्दै पुनः सार्वजनिक सूचना जारी गरेको छ।
- नगरप्रमुख राम लखन मलाहले तोकिएको समयभित्र जग्गा खाली नगरे नगरपालिकाले नै संरचना हटाउने र त्यसबाट हुने क्षतिको जिम्मेवारी नलिने चेतावनी दिनुभएको छ।
२७ साउन, सप्तरी । सप्तरीको डाक्नेश्वरी नगरपालिकाले सार्वजनिक ऐलानी जग्गा अतिक्रमण गरी निर्माण गरिएका घर तथा टहरा हटाउन सम्बन्धित व्यक्तिहरूलाई निर्देशन दिएको छ ।
नगरपालिकाले वडा नम्बर ९ स्थित सखुवा चोकमा सार्वजनिक ऐलानी जग्गा अतिक्रमण गरी केही स्थानीयवासीले घर तथा टहरा निर्माण गरेको जनाउँदै पाँच दिनभित्र त्यस्ता संरचना हटाउन सूचना जारी गरेको हो ।
वडा नम्बर ९ को कार्यालय, पत्थरगाडाले गरेको निर्णय तथा सिफारिस र नगरपालिकाले यसअघि जारी गरेका अवैध संरचना हटाउनेसम्बन्धी सूचनालाई आधार बनाउँदै नगरपालिकाले पुन: यस्तो सूचना जारी गरेको जनाएको छ ।
नगरपालिकाका अनुसार २०८१ भदौ १ गते वडा समितिको निर्णय, २०८१ चैत २० गते वडा कार्यालयको सिफारिस तथा २०८१ चैत २१, २०८३ जेठ ११ र २०८३ जेठ २५ गते प्रकाशित सूचनाअनुसार अतिक्रमित संरचना हटाउन भनिएको हो ।
नगरपालिकाले तोकिएको पाँच दिनभित्र अवैध संरचना तथा अतिक्रमित जग्गा खाली नगरेमा प्रचलित कानुनबमोजिम नगरपालिकाले नै संरचना हटाउने चेतावनी दिएको छ । त्यस क्रममा हुने क्षतिको जिम्मेवारी नगरपालिकाले नलिने सूचनामा स्पष्ट पारिएको छ ।
नगरप्रमुख राम लखन मलाहद्वारा जारी सूचनामा सार्वजनिक जग्गा अतिक्रमण गरी निर्माण गरिएका संरचना हटाएर जग्गा खाली गर्न सम्बन्धित सबैलाई आग्रह गरिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4