प्राधिकरणको निर्देशन : विपद्का बेला हवाई भाडा नबढाइ टिकट दिनू

News Summary

Generated by OK AI. Editorially reviewed.

नेपाल नागरिक उड्डयन प्राधिकरणले प्राकृतिक विपद्को विषम परिस्थितिमा हालको हवाई भाडादर नबढ्नेगरी टिकट उपलब्ध गराउन हवाई सञ्चालकहरूलाई निर्देशन दिएको छ।
तिब्बततर्फबाट आएको बाढीका कारण काठमाडौं बाहिरिने कतिपय राजमार्ग बन्द भएपछि हवाई यात्रुको चाप बढ्ने अनुमानसहित निर्देशन दिइएको हो।
प्राधिकरणले वायुसेवा निगम, बुद्ध एयर, यती एयर, श्री एयरलाइन्स, समिट एयर, तारा एयर र सिता एयरलाई सर्वसाधारणको आवागमन सहज बनाउन भनेको छ।

१० भदौ, काठमाडौं । नेपाल नागरिक उड्डयन प्राधिकरणले प्राकृतिक विपद्को विषम परिस्थितिमा हालको हवाई भाडादर नबढ्नेगरी टिकट उपलब्ध गराउन हवाई सञ्चालकहरूलाई निर्देशन दिएको छ ।

प्राधिकरणले हवाई भाडादरको उच्चतम दरभन्दा कम र हालको परिस्थितिलाई मध्यनजर गर्दै हालको भाडादर नबढ्नेगरी टिकट उपलब्ध गर्ने/ गराउने व्यवस्था गर्न निर्देशन दिएको हो ।

तिब्बततर्फबाट आएको बाढीका कारण यतिबेला राजधानी काठमाडौंबाट बाहिरिने कतिपय राजमार्ग असुरक्षाका कारण बन्द गरिएका छन् । जसले गर्दा हवाई यात्रुको चाप बढ्न जाने भएपछि प्राधिकरणले सञ्चालकहरुलाई भाडा नबढाउन र टिकट सहज बनाउन निर्देशन दिएको हो ।

वायुसेवा निगम, बुद्ध एयर, यती एयर, श्री एयरलाइन्स, समिट एयर, तारा एयर र सिता एयरलाई प्राधिकरणले सर्वसाधारणको आवागमनमा सहजता कायम राख्न भनेको छ ।