News Summary
Generated by OK AI. Editorially reviewed.- रसुवाको बाढीले अवरुद्ध भएको काठमाडौं–मुग्लिन जोड्ने पृथ्बी राजमार्ग बिहीबार दिउँसोसम्म सञ्चालनमा ल्याउने गरी काम भइरहेको छ।
- सडक विभागका प्रवक्ता शुभराज न्यौपानेले बैरेनीदेखि गलौंदीसम्म करिब १३ किलोमिटर क्षेत्रमा बाढीले थुपारेको लेदो हटाइरहेको बताए ।
- लेदो पन्छाउन गए रातिदेखि १५ वटा उपकरण प्रयोग भइरहेको र बुधबार भोटेकोशी नदीको बाढीले राजमार्गका विभिन्न स्थानमा क्षति गरेको छ।
११ भदौ, काठमाडौं । रसुवामा आएको बाढीका कारण अवरुद्ध रहेको काठमाडौं-मुग्लिन जोड्ने पृथ्बी राजमार्ग बिहीबार दिउँसोसम्म सञ्चालनमा ल्याउने तयारीका साथ धमाधम काम भइरहेको छ ।
सडक विभागका उपमहानिर्देशक एवं प्रवक्ता इन्जिनियर शुभराज न्यौपानेका अनुसार राजमार्गमा बाढीले थुपारेको लेदो पन्छाउने काम धमाधम भइरहेकोले बिहीबार दिउँसोसम्म सडक सञ्चालनमा ल्याउने गरी काम भइरहेको छ ।
उनले भने, ‘मुग्लिनदेखि गलौंदीसम्म र काठमाडौंदेखि बैरेनीसम्मको सडक क्लियर छ । बैरेनीदेखि गलौंदीसम्मका करिब १३ किलोमिटर सडकका विभिन्न ठाउँमा बाढीले लेदो थुपारेको छ । भारी मात्रामा लेदो थुप्रिएकोले मुनि सडकको अवस्था कस्तो छ भन्ने यकिन गर्न कठिन छ । विशेष अवस्था बाहेक आज दिउँसोसम्म सडक सञ्चालनमा ल्याउने गरी काम भइरहेको छ ।’
इन्जिनियर न्यौपानेका अनुसार सडकमा थुप्रिएको लेदो हटाउनका लागि गए रातिदेखि नै १५ वटा उपकरण प्रयोग भइरहेको छ ।
गएराति १० बजेपछि पानी परेकोले काम रोकिएको र आज बिहानैदेखि ती उपकरहरूले धमाधम सडकमा थुप्रिएको लेदो पन्छाउने काम भइरहेको उनले बताए ।
बुधबार भोटेकोशी नदीमा आएको बाढीले पृथ्बी राजमार्गको विभिन्न स्थानमा क्षति गरेको हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4