News Summary
Generated by OK AI. Editorially reviewed.- बाढी आएको छैटौं दिनसम्म पनि रसुवा र आसपासका जलविद्युत आयोजनाका पुरिएका सुरुङभित्र उद्धार र खोजी कार्य जारी छ।
१५ भदौ, काठमाडौं । गत बुधबार बिहान एक्कासी आएको बाढीले रसुवा, नुवाकोटका नदी किनार क्षेत्र तहसनहस भएका छन् । बाढीले रसुवा, नुवाकोटका जलविद्युत आयोजनाका सुरुङसमेत पुरिएका छन्।
उक्त सुरुङमा ठूलो संख्यामा मान्छे रहेको आशंका गरिएको छ । बाढी आएको छैटौं दिन पुग्दा पनि ती सुरुङहरूमा उद्धारको काम हुन सकेको छैन।
नेपाली सेनाको मुख्यालय जंगी अड्डाका अनुसार त्रिशूली थ्री ए मा राति २ बजे कन्ट्रोल ब्लास्ट गरिएको थियो । साथै दुई वटा स्काभेटरले करिब १० मिटर तलसम्म लगेर होल बनाउने काम भएको छ ।
सुरुङभित्रको पानी, हिलो र लेदोलाई अहिले सफागर्ने काम भइरहेको सेनाले जानकारी दिएको छ ।
अर्को सुरुङ त्रिशूली थ्री बीमा पनि विज्ञसहितको फौज खटिएर खोज तथा उद्धार भइरहेको बताइएको छ । विदेशीसहितको संयुक्त खोज तथा उद्धार टोलीले चिलिमे हाइड्रोको सुरुङभित्रबामट करिब १०० मिटर प्रवेश गरी खोजी गरेको छ । सो क्रममा भित्री भागमा हिलो माटोले पुरिएको अवस्थामा रहेको दुई वटा शव समेत निकालिएको छ ।
अप्पर त्रिशूली १ मा खोज तथा उद्धार टोलीले सुरुङभित्र करिब ३०० मिटरसम्म प्रवेश गरेर खोजी कार्य गरेको सेनाले बताएको छ । यो सुरुङबाट एक शव निकालिएको छ ।
लाङटाङ सुरुङमा पनि खोजी कार्य सुरु भएको सेनाले बताएको छ । यो सुरुङमा टर्च लाइटको प्रयोगसहित खोज तथा उद्धारको काम भइरहेको बताइएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4