मोहनविक्रम लिखित नाटक ‘१२ मई’ मञ्चन हुने, उठेको पैसा बाढी पीडितलाई

News Summary

Generated by OK AI. Editorially reviewed.

नेकपा (मसाल) का मोहनविक्रम सिंहद्वारा लिखित नाटक ‘१२ मई’ २१ भदौमा प्रज्ञा प्रतिष्ठानको सभा हलमा मञ्चन हुने भएको छ।
रक्तिम सांस्कृति अभियानले नाटकमा पञ्चायती व्यवस्थाविरुद्धको लोकतान्त्रिक आन्दोलन र आन्दोलनकारीको संघर्षलाई प्रस्तुत गरिने जनाएको छ।
नाटक प्रदर्शनमा १२ मे १९८६ को आन्दोलनमा पक्राउ परेका ९५ जनालाई सम्मान गरिनेछ र संकलित रकमको ५० प्रतिशत भोटेकोसी बाढीपीडितलाई दिइनेछ।

काठमाडौं । नेकपा (मसाल) का महामन्त्री तथा साहित्यकार मोहनविक्रम सिंहद्वारा लिखित नाटक ‘१२ मई’ मञ्चन हुने भएको छ । २१ भदौमा प्रज्ञा प्रतिष्ठानको सभा हलमा नाटक मञ्चन गर्न लागिएको हो ।

पार्टीको सांस्कृतिक फाँट रक्तिम सांस्कृति अभियानले नाटक मञ्चन हुने जनाएको छ । सो नाटकमा तत्कालीन पञ्चायती व्यवस्थाविरुद्ध सञ्चालन भएको लोकतान्त्रिक आन्दोलन, राजनीतिक सन्दर्भ र आन्दोलनकारीको संघर्षलाई कलात्मकरुपमा प्रस्तुत गरिन लागेको रक्तिमले जनाएको छ ।

महासचिव हेमराज आश्रमका अनुसार आन्दोलनमा सहभागी तथा पक्राउ परेका व्यक्तिको योगदानको सम्मान गर्दै नयाँ पुस्तालाई ऐतिहासिक आन्दोलनबारे जानकारी गराउने उद्देश्य राखिएको बताइएको छ ।

भारतमा रहेका प्रवासी नेपालीले पञ्चायतविरुद्ध गरेको आन्दोलनका क्रममा १२ मे १९८६ (२९ वैशाख २०४३) मा भएको दमनलाई आधार बनाएर नेता सिंहले यो नाटक तयार पारेका थिए ।

नाटक प्रदर्शनका क्रममा १२ मे १९८६ को आन्दोलनमा पक्राउ परेका ९५ जनालाई सम्मान गरिने पनि आयोजकले जनाएको छन् । सम्मानित हुनेहरूमा राष्ट्रिय सभा सदस्य तुलबहादुर विश्वकर्मा, चन्द्रबहादुर केसी, किशन अधिकारी लगायत छन् ।

कार्यक्रममा संकलन हुने रकमबाट ५० प्रतिशत भोटेकोसी बाढीपीडितका लागि मद्दत गरिने भएको छ । यस्तै सिंहले लेखेको पुस्तक १२ मई बाटप्राप्त रोयल्टी रकम पनि पूरै बाढीपीडितलाई प्रदान गरिने भएको छ ।