News Summary
Generated by OK AI. Editorially reviewed.- भदौ १० गते रसुवाको भोटेकोशी बाढीमा परेका ८२ सुरक्षाकर्मी अझै दुई हप्तापछि पनि सम्पर्कविहीन छन् ।
- सैनिक प्रवक्ता राजाराम बस्नेतका अनुसार नेपाली सेनाका ४५, नेपाल प्रहरीका २५ र सशस्त्र प्रहरीका १२ जना अझै सम्पर्कविहीन छन् ।
- सम्पर्कविहीन सुरक्षाकर्मीका आफन्तले शव पहिचानका लागि डीएनए जाँचका निम्ति रगत दिन थालेका छन् ।
२६ भदौ, काठमाडौं । भदौ १० गते रसुवास्थित भोटेकोशीमा एक्कासि आएको भिषण बाढीमा परेका ८२ सुरक्षाकर्मी अझै सम्पर्कविहीन छन् । बाढी गएको दुई हप्ता बित्दा पनि ८२ सुरक्षाकर्मीको अवस्था अझै पत्ता लाग्न सकेको छैन ।
बाढीमा परेर नेपाली सेना, नेपाल प्रहरी र सशस्त्र प्रहरी बलका गरी ८२ सुरक्षाकर्मी अझै सम्पर्कविहीन छन् । सैनिक प्रवक्ता तथा सहायक रथी राजाराम बस्नेतका अनुसार ४५ सैनिक अझै सम्पर्कविहीन छन् । नेपाली सेना लगायत अन्य सुरक्षा निकायहरू समेत उनीहरूको खोजी रहेका छन् ।
त्यस्तै नेपाल प्रहरीका पनि २५ जना अझै सम्पर्कविहीन छन् । रसुवागढी चौकी, इलाका प्रहरी कार्यालय टिमुरे, स्याप्रुबेंसी, हाकु चौकी, मैलुङमा कार्यरत २५ जना प्रहरी कर्मचारी अझै सम्पर्कविहीन छन् ।
नेपाल प्रहरीका २८ जना बेपत्ता भएकोमा ३ जनाको भने शव भेटिएको थियो । अब २५ जना अझै सम्पर्कविहीन छन् ।
सशस्त्र प्रहरीका पनि १२ जना अझै सम्पर्कविहीन छन् । उनीहरूको पनि खोजी जारी छ । सशस्त्र प्रहरीका १३ जना सम्पर्कविहीन भएकोमा एक जनाको भने शव भेटिएको थियो । अब १२ जना सम्पर्कविहीन छन् ।
सम्पर्कविहीन भएकाहरूको खोजी जारी राखेर उनीहरूको आफन्तले डीएनए जाँचका लागि रगत समेत दिन थालेका छन् । अहिलेसम्म सम्पर्कमा नआएपछि उनीहरूका आफन्तले शव पहिचानका लागि भन्दै डीएनए जाँचका लागि रगत दिन सुरु गरेको प्रहरीले बताएको छ ।
सुरक्षाकर्मीजस्तै ५ हजार १३० जना अझै सम्पर्कविहीन छन् । अहिलेसम्म १ हजार ३८५ वटा शव फेला परेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4