News Summary
Generated by OK AI. Editorially reviewed.- अध्यागमन विभागले नागरिक एपमार्फत नेपाली नागरिकलाई अन्तर्राष्ट्रिय आगमन र प्रस्थानसम्बन्धी यात्रा विवरण हेर्न र डाउनलोड गर्न सकिने व्यवस्था लागू गरेको छ।
- विभागले यो सेवाले व्यक्तिगत निवेदन र भौतिक उपस्थितिको पुरानो प्रक्रिया हटाई ढिलाइ, कार्यबोझ र प्रक्रियागत झन्झट घटाउने जनाएको छ।
- नागरिक एपको ‘अध्यागमन’ शीर्षकअन्तर्गत ‘भ्रमण विवरण’ विकल्पबाट राहदानीसँग आबद्ध विदेश आवतजावतको विवरण हेर्न सकिने विभागले जनाएको छ।
२६ भदौ, काठमाडौं । नेपाली नागरिकले अब आफ्नो अन्तर्राष्ट्रिय आगमन र प्रस्थानसम्बन्धी यात्रा विवरण (ट्राभल हिस्ट्री) नागरिक एपमार्फत सहजै हेर्न र डाउनलोड गर्न सक्ने भएका छन् ।
अध्यागमन विभागले शुक्रबार जारी गरेको विज्ञप्तिअनुसार सेवा प्रवाहलाई प्रविधिमैत्री, सुरक्षित र प्रभावकारी बनाउने उद्देश्यले यो व्यवस्था लागू गरिएको हो । यससँगै यात्रा विवरणका लागि विभागमा व्यक्तिगत रूपमा उपस्थित हुने वा भौतिक निवेदन बुझाउनुपर्ने पुरानो प्रक्रिया हटेको छ ।
विभागका अनुसार विभिन्न व्यक्ति तथा संस्थाले यात्रा विवरण प्राप्त गर्न प्रत्यक्ष निवेदन दिने व्यवस्थाका कारण सेवामा ढिलाइ, कार्यबोझ वृद्धि र अनावश्यक प्रक्रियागत झन्झट हुने गरेको थियो। नयाँ प्रणालीले ती समस्या समाधान हुने अपेक्षा गरिएको छ ।
सेवा प्रयोग गर्न नागरिकले आफ्नो स्मार्टफोनमा रहेको नागरिक एप खोलेर ‘अध्यागमन’ शीर्षकअन्तर्गत ‘भ्रमण विवरण’ विकल्पमा प्रवेश गर्नुपर्नेछ । एपसँग आबद्ध राहदानीका आधारमा विदेश आवतजावतको सम्पूर्ण विवरण हेर्न तथा डाउनलोड गर्न सकिनेछ ।
विभागले नागरिक एपबाट प्राप्त हुने यात्रा विवरणलाई आधिकारिक अभिलेखका रूपमा प्रयोग गर्न सकिने जनाएको छ । साथै, सम्बन्धित व्यक्तिको एपसँग लिंक भएको राहदानीको विवरण मात्र उपलब्ध हुने भएकाले व्यक्तिगत सूचनाको गोपनीयता पनि सुरक्षित रहने उल्लेख गरिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4