News Summary
Generated by OK AI. Editorially reviewed.- नेपाल राष्ट्र बैंकको निर्देशनपछि बैंक तथा वित्तीय संस्थाले एटीएम मेसिनमा १ सय दरका नोट पनि राख्ने भएका छन्।
- हाल एटीएमबाट १ हजार र ५ सय दरका नोट मात्र झिक्न सकिन्छ, तर नयाँ व्यवस्थासँगै सर्वसाधारणले १ सयका नोट पनि झिक्न पाउनेछन्।
- दशैंमा साना दरका नोट साट्न शाखामा हुने भीड घटाउन यस्तो व्यवस्था गर्न लागिएको राष्ट्र बैंकले जनाएको छ।
३० भदौ, काठमाडौं । बैंक तथा वित्तीय संस्थाले एटीएम मेसिनमा अबदेखि एक सय दरका नोट पनि राख्ने भएका छन् । नेपाल राष्ट्र बैंकले एक सयका नोट पनि राख्न निर्देशन दिएपछि बैंक तथा वित्तीय संस्थाले त्यसलाई कार्यान्वयन गर्ने भएका हुन् ।
हाल एटीएमबाट १ हजार र ५ सय दरका नोटहरू मात्र झिक्न सकिन्छ । केन्द्रीय बैंकको नयाँ व्यवस्थासँगै बैंक तथा वित्तीय संस्थाले १ सय दरका नोट पनि एटीएममा राख्ने भएपछि सर्वसाधारणले झिक्न सक्नेछन् ।
सर्वसाधारणले १ सय दरका नोट पनि एटीएमबाट झिक्न सकिने व्यवस्था गर्न माग गर्दै आएका थिए । बैंक तथा वित्तीय संस्थाले पनि १ सय दरका नोट एटीएममा राख्न सकिने जनाएपछि कार्यान्वयन गर्न राष्ट्र बैंकले निर्देशन दिएको हो ।
परम्परागत एटीएम मेसिनमा दुई दरका नोट मात्र राख्न सकिन्छ । तर पछिल्लो नयाँ तथा आधुनिक एटीएममा भने ४ वटा दरका नोट राख्न सकिन्छ । नेपाली बैंक तथा वित्तीय संस्थाका धेरै एटीएम परम्परागत भएकाले थोरै एटीएमबाट मात्र १ सय दरका नोट झिक्न सकिनेछ ।
बडादशैंको उपलक्ष्यमा एक सय दरका नोटहरू पनि एटीएमबाट वितरण गर्न सकिएमा साना दरका नोट साट्ने ग्राहकको भीड पनि शाखामा नहुने केन्द्रीय बैंकले जनाएको छ । बैंकहरूसँग जानकारी लिँदा प्राविधिक रुपमा सो व्यवस्था गर्न सकिने जवाफ बैंकहरूले दिएको केन्द्रीय बैंकले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4