चीनले आफ्ना नागरिकहरूमाथि भ्रमण प्रतिबन्ध मङ्गलबारदेखि व्यापक रूपमा लागु गरेको छ । देशको ‘औद्योगिक वा प्रविधि सुरक्षा’ मा खतरा पुर्याएको ठानिएका मानिसहरूलाई देश छाड्न रोक लगाइएको छ ।
गत जुलाई महिनामा पारित भएका यी नयाँ प्रवेश तथा प्रस्थान नियमहरू प्रविधि आयात र निर्यातसम्बन्धी नियम उल्लङ्घन गर्ने नागरिकहरूमाथि लागु हुनेछन् । खासगरी आर्टिफिसियल इन्टेलिजेन्सको क्षेत्रमा नियम उल्लङ्घन गर्नेहरू यसको निसानामा पर्नेछन् ।
बेइजिङस्थित स्टेट काउन्सिलले नयाँ नियमहरूको बारेमा स्पष्ट पारेको छ । ‘राष्ट्रिय सार्वभौमसत्ता, सुरक्षा र विकासका हितहरूको रक्षा गर्न’ यी नियमहरू बनाइएको स्टेट काउन्सिलले बताएको छ ।
यी नियमहरू चीनभित्र रहेका मानिसहरूमाथि मात्र लागु हुने छैनन् । विदेशमा आपराधिक कार्य गरेको ठहरिएका चिनियाँ नागरिकहरूमाथि पनि यी नियमहरू लागु हुनेछन् ।
यस्ता मामिलामा नागरिकहरूलाई चीन फर्किएको मितिदेखि निश्चित अवधिसम्म देश छाड्न प्रतिबन्ध लगाइनेछ । स्टेट काउन्सिलले ‘चीन फर्किएको मितिदेखि छ महिनादेखि तीन वर्षसम्म उनीहरूलाई देश छाड्न प्रतिबन्ध लगाउन सकिनेछ’ भनेको छ ।
चीन र अमेरिकाबीच प्रविधिको प्रतिस्पर्धा चलिरहेका बेला यी प्रतिबन्धहरू आएका हुन् । दुवै देशले हालैका महिनाहरूमा एकअर्कामाथि स्थानीय रूपमा विकसित एआई मोडेलहरू चोरी गरेको आरोप लगाउँदै आएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4