संसद्को पूर्वाधार विकास समितिद्वारा सातै प्रदेश केन्द्रित उपसमिति गठन

६ असोज, काठमाडौं । प्रतिनिधिसभा अन्तर्गतको पूर्वाधार विकास समितिले सातै प्रदेश केन्द्रित उपसमिति गठन गरेको छ ।

समितिको कार्यक्षेत्रभित्र पर्ने पूर्वाधार विकास, ऊर्जा, जलस्रोत तथा सिँचाइ लगायतका विषयमा प्रदेश तहमा सञ्चालन भइरहेका आयोजना तथा कार्यक्रमको प्रभावकारी अनुगमन, अध्ययन तथा मूल्यांकन गर्न प्रदेशगत उपसमिति गठन गर्ने निर्णय समितिको बैठकले गरेको हो।

उपसमितिहरूले सम्बन्धित प्रदेशमा सञ्चालनमा रहेका आयोजना तथा कार्यक्रमको प्रगति, व्यवस्थापन, कार्यान्वयन अवस्था तथा सरोकारवालासँगको समन्वय लगायतका विषयमा अध्ययन तथा अनुगमन गर्नेछन् ।

साथै, सार्वजनिक सम्पत्तिको संरक्षण तथा सरकारी निकायबाट प्रचलित ऐन–नियमअनुसार काम भए–नभएको विषयमा समेत अध्ययन गरी समितिसमक्ष प्रतिवेदन तथा आवश्यक सुझाव पेस गर्नेछन्।

समितिले उपसमितिहरूलाई सम्बन्धित आयोजना तथा स्थानमा स्थलगत अवलोकन, सम्बन्धित निकाय तथा सरोकारवालासँग छलफल र विज्ञ तथा अनुसन्धानकर्तासँग अन्तरक्रिया गरी तथ्यमा आधारित अध्ययन प्रतिवेदन तयार गर्न कार्यादेश दिएको छ।

प्रदेशगत उपसमिति सदस्यहरूः

मधेश प्रदेश

१. तपेश्वर यादव

२. डा. मो. फिरदोश आलम

३. यशोदा कुमारी

४. राजकिशोर महतो कोइरी

५. रामाकान्त प्रसाद चौरसिया

कोशी प्रदेश उपसमिति

१. आशा झा

२. निशा डाँगी

३. नीता घतानी

४. पूर्णप्रसाद लिम्बू

५. राजेन्द्रकुमार राई

६. सृष्टि भट्टराई

बागमती प्रदेश उपसमिति

१. प्रदिप विष्ट

२. राजुनाथ पाण्डे

३. सुनिल केसी

गण्डकी प्रदेश उपसमिति

१. धर्मराज के.सी.

२. श्रीराम न्यौपाने

लुम्बिनी प्रदेश उपसमिति

१. धनेन्द्र कार्की

२. मन्जु भुसाल

३. डा. राम लामा

कर्णाली प्रदेश उपसमिति

१. गोपाल शर्मा

२. जयपती रोकाया

३. धन बहादुर

४. वासना थापा

सुदूरपश्चिम प्रदेश उपसमिति

१. आशिष गजुरेल (सभापति)

२. प्रकाश गौतम

३. भरतकुमार स्वार